Uncle Pizza, Pasta & Grill (Closed)

餐廳：Uncle Pizza, Pasta & Grill地點：中環伊利近街菜式：意大利菜餐牌：主餐牌除左Pizza，意粉，仲有前菜，沙律，湯，烤煎類，廚師推介，意大利飯同甜品。午市有套餐，主菜8選1，配餐湯或者沙律，可追加小食，或特價加配飲品。餐湯係忌廉蘑菇湯，好大碗，熱辣辣，簡單加上忌廉，蘑菇味又香濃又滑。沙律係沙律雜菜加羅勒，簡單加上黑醋調味，味道唔錯，清爽開胃。水牛芝士羅勒紅菜頭沙律 $78 另加一水牛芝士羅勒紅菜頭沙律有羅勒做底，加上香甜多汁紅菜頭粒粒，5片水牛芝士，同香甜黑醋調味。好味唔寡得黎夠健康，口感味道都唔錯。8安士紐西蘭肉眼扒配燒汁 $188 另加一紐西蘭肉眼扒好大塊，用板上枱，果然係8安士，整得肉嫩多汁，牛味唔錯，我冇特別指明，廚師整到剛好八成熟，超多肉食，簡單加上一條香草調味，燒汁少少鹹，配牛扒食味道剛好。伴有熱辣辣炸薯角三大件，好軟稔，點燒汁都好夠味。伴碟蔬菜有烤長豆角，番茄，西蘭花，翠玉瓜，甘筍同南瓜，色彩配搭豐富。呢道主菜好飽肚。今餐食物都唔錯，我見其他食客點嘅餸都好大份，中上環返工人士可以黎食個午餐再返工。