魚鈁 (汝州街) (Closed)

今日又係深水埗系列, 今次試咗間樓上鋪叫魚鈁,佢個位置係正西九龍中心對面,不過由於佢係樓上鋪關係,佢就無平時咁顯眼,一上到去就見到個地方好闊落同舒服,我坐咗落卡位之後侍應就即刻二話不說咁遞咗換湯嚟,好快手！ 睇完個餐單我就決定嗌佢地個重慶雞飯～呢間餐廳定位有啲特別, 佢午市就會賣啲茶記野再夾雜啲川菜,好似水煮牛肉,水煮魚呢啲～ 不過我就唔係太食得辣所以就叫咗個雞食～個餐嚟到就即刻好有驚喜！因為佢睇落去似夜晚平時食開個啲雞煲！無論係佢啲雞定佢啲配料,都炒得好香同入味,特別要讚一讚佢啲雞,肉質易入口得嚟佢既雞皮亦整到十分之脆,好惹味既一道菜！