US813 (Closed)

今日 4月20日，復活節假期第二天， 去咗屯門華都商場2樓， 一間叫做us813西餐廳小店， 聽聞呢間口碑唔錯，同埋都好多人食，唔知係咪lunch time, 見d 客走左又有新客入，不停有客，所以決定試下佢。 呢間舖比較簡樸 大概有十張木枱 四人二人枱都有 枱面係完全冇擺設嘅 去到坐低佢自然畀餐睇你， 主要都係做意大利意粉意大利飯 好多唔同款式嘅食品選擇。 我坐低後就揀咗個蕃茄海鮮意大利粉$72 + 意大利特濃咖啡(2 shot) $28，但係呢區黎講就略貴，因為無set 餐，全部散叫，下次可以再試下其他。** 蕃茄海鮮意大利呢碟意粉有3件蜆，3蝦，2墨魚圈，份量都算唔錯，但覺得太濕，太多水汁，雖然係咁，但個汁好好味，食到有香料味道，真係好正， 如果真係自己調教，就真係無得頂。有點可惜係d蝦食落霉霉地，唔係爽身果隻，d蜆有d 味，整體真係唔差， 如果屯門區嚟講，真係唔錯。，意大利特濃咖啡 就無咩特別，一般啦