Video
Read full review
2016-03-15
761 views
第一條食評就貢獻俾呢間非常不值得一試的新餐廳。之前經過見到覺得頗有些法式風情，就拣咗一個周末早晨來試。是日天氣較凍，但室內位有限，無奈坐喺室外。order咗最簡單的麺包套餐，內容不過是一個朱古力酥皮，麺包籃，一杯橙汁，一杯咖啡，基本上都係現成食物。但就係咁簡單的食物我們等咗成九個字!！在好凍的室外，個暖爐仲要係壞嘅⋯⋯多番追問下，先求其黎咗麺包籃，賣相十分普通，麺包亦冇烘熱。再問個酥皮去咗邊，個侍應先走去攞來，又發覺冇咗個橙汁，再問，先又攞來。十分混亂同唔專業。關鍵，呢個在寒風中等咗成粒鐘嘅早餐完全乏善可陳，連suppose係主打嘅麺包都普通到冇嘢好講。幾塊切成薄片的各式麺包，配上方便包裝的細盒牛油，亦冇人主動提供jam，而其他台就有見到。麺包本身的濕潤度，麥香味都好有限；連個朱古力酥皮都同好普通，酥皮唔夠酥脆，層次不多，朱古力餡比例好少，唯獨朱古力味道尚算純正。咖啡用碗盛裝感覺新鮮，但咖啡豆嘅選擇一般，酸味重又唔夠香。成個早餐唯一可以叫做好食嘅係散叫嘅谷物乳酪杯同另加二十蚊嘅boiled egg。麵包籃 谷物乳酪杯食完只留下失望与憤怒。走时出邊仲有好多人排隊，好想同佢地講
是日天氣較凍，但室內位有限，無奈坐喺室外。order咗最簡單的麺包套餐，內容不過是一個朱古力酥皮，麺包籃，一杯橙汁，一杯咖啡，基本上都係現成食物。但就係咁簡單的食物我們等咗成九個字!！在好凍的室外，個暖爐仲要係壞嘅⋯⋯多番追問下，先求其黎咗麺包籃，賣相十分普通，麺包亦冇烘熱。再問個酥皮去咗邊，個侍應先走去攞來，又發覺冇咗個橙汁，再問，先又攞來。十分混亂同唔專業。
關鍵，呢個在寒風中等咗成粒鐘嘅早餐完全乏善可陳，連suppose係主打嘅麺包都普通到冇嘢好講。幾塊切成薄片的各式麺包，配上方便包裝的細盒牛油，亦冇人主動提供jam，而其他台就有見到。麺包本身的濕潤度，麥香味都好有限；連個朱古力酥皮都同好普通，酥皮唔夠酥脆，層次不多，朱古力餡比例好少，唯獨朱古力味道尚算純正。咖啡用碗盛裝感覺新鮮，但咖啡豆嘅選擇一般，酸味重又唔夠香。成個早餐唯一可以叫做好食嘅係散叫嘅谷物乳酪杯同另加二十蚊嘅boiled egg。
麵包籃
谷物乳酪杯
食完只留下失望与憤怒。走时出邊仲有好多人排隊，好想同佢地講唔好入黎被呃。
Post
