漁釧 (V Walk)

Open Now

Now Closed

今晚同婆婆二人世界, 帶咗佢去附近V walk---漁釧食日本料理。餐廳門面設計富有日本風, 內在設有多個卡位, 以竹簾做間隔, 隱約帶點私隱度。供應各式刺身、壽司、卷物、炸物、串燒、鍋物等等…晚市仲推出精選半價menu, 更加抵食。三文魚富士山:疊起多件青瓜卷, 再佈上數片三文魚, 淋上沙律醬, 放上蟹籽, 賣相有如富士山般似的。三文魚有魚香, 蟹籽令口感特別, 配搭簡單, 賣相仲好適合打卡。 帶子三文魚親子丼:一片片三文魚刺身份量多, 有魚油香, 帶子鮮甜肥美, 伴有些少三文魚籽, 令魚油更加香濃。極上四色刺身丼:集合三文魚、帆立貝、赤蝦、吞拿魚蓉四款刺身, 不過價錢相比上面果個丼飯平, 分別在於三文魚片切得細片, 一小片一口, 赤蝦肥美爽口, 吞拿魚蓉很有魚香。南瓜天婦羅:天婦羅炸皮鬆化不油, 南瓜好林, 味道清甜。