常樂素食 (Closed)

食得多肉都係時候食下齋，老友誠推這間素食飯堂俾我，樓上舖，裝修雅緻，坐得都幾舒服。十分有意思的午餐menu，寫晒熱量和行路時間。3人食5個菜。鹵肉飯($58) 由素肉、香菇、藥包製成，味道香濃，非常像真，如果唔係呢間舖食，真係幾可亂真。螞蟻上樹($88)辣辣地，有粉絲、素肉絲、青紅椒、姜，粉絲炒得幾惹味。最好食係鴻禧菇炒蘆荀($98)，新鮮蘆荀食落冇渣，配鴻禧菇係真正素食。三寶豆腐腦($88)即係素火腿、香菇，甜甜的，口感幾特別，送飯唔錯。紅燒獅子頭($98)都係甜甜地，質地好像真肉，有嚼頭，仲有其他蔬菜王牙白、蘿蔔、荀、雲耳，非常健康。