Video
Read full review
2022-04-27
19 views
呢間素食餐廳於老蘭附近一棟唔顯眼嘅大廈裡面，原來前身為veggie sf ，與閨蜜們對佢嘅食物質素大為驚嘆，極為underrated呢。以美式復古風格為主題，個feel似似地悉尼樂園，簡直好似飛咗入美國啲sit com入面食緊飯咁。環境、食物、服務皆lovely，我地見以熟客嚟幫襯居多，無論係初嘗素食嘅定係入素多年嘅朋友，我都誠意推薦俾大家ᐡ• ·̫ •̥ᐡᰔᩚ。𖦹 北京烤片$78見到 @gogreen.foodie 嘅推薦而特登叫嚟試下，完全無失望，獲得片皮鴨粉絲閨蜜嘅認証。以餅皮包住素鴨、青瓜，加上最重要嘅照燒醬，賣相似模似樣，味道像真度達九成！𖦹 涼拌手撕雞 $78 將手撕雞嘅質感完整地呈現返出嚟，再以麻油調味，清爽。𖦹 kobe’s favourite $158 漢堡扒具備真肉嘅質感，但BBQ汁略嫌太濃，好彩夠多蔬菜balance返。薯角非常搶鏡，厚身又煎得香脆，唔係油炸就唔怕熱氣啦。𖦹 越式撈米粉 oakland breeze $138閨蜜們表示個汁太酸，但我又幾buy。正常發揮嘅米粉配上炸豆腐、腰果、大豆炸物，酸酸甜甜，仲落咗超多香草。𖦹 BIBIMBAP 101韓式辣醬蒜香豆腐
呢間素食餐廳於老蘭附近一棟唔顯眼嘅大廈裡面，原來前身為veggie sf ，與閨蜜們對佢嘅食物質素大為驚嘆，極為underrated呢。以美式復古風格為主題，個feel似似地悉尼樂園，簡直好似飛咗入美國啲sit com入面食緊飯咁。環境、食物、服務皆lovely，我地見以熟客嚟幫襯居多，無論係初嘗素食嘅定係入素多年嘅朋友，我都誠意推薦俾大家ᐡ• ·̫ •̥ᐡᰔᩚ。
𖦹 北京烤片$78
見到 @gogreen.foodie 嘅推薦而特登叫嚟試下，完全無失望，獲得片皮鴨粉絲閨蜜嘅認証。以餅皮包住素鴨、青瓜，加上最重要嘅照燒醬，賣相似模似樣，味道像真度達九成！
𖦹 涼拌手撕雞 $78
將手撕雞嘅質感完整地呈現返出嚟，再以麻油調味，清爽。
𖦹 kobe’s favourite $158
漢堡扒具備真肉嘅質感，但BBQ汁略嫌太濃，好彩夠多蔬菜balance返。薯角非常搶鏡，厚身又煎得香脆，唔係油炸就唔怕熱氣啦。
𖦹 越式撈米粉 oakland breeze $138
閨蜜們表示個汁太酸，但我又幾buy。正常發揮嘅米粉配上炸豆腐、腰果、大豆炸物，酸酸甜甜，仲落咗超多香草。
𖦹 BIBIMBAP 101韓式辣醬蒜香豆腐烤菇雜菜拌飯 $148
飯實在不可貌相，睇落看似無害、好溫和嘅淺橙色醬竟然辣到飛起，配上多種果仁及蔬菜，口感up之餘惹味到欲罷不能。
𖦹 thai organic soymilk iced tea $48
本身想試soy shake但賣曬，於是轉投thai tea陣營。濃郁的茶味配上豆奶，一樣咁正。
Post
