曼谷泰菜 (Closed)

OR 05年度最終回的大party,破紀錄60人在曼谷泰菜舉行.同上次一樣,劃一收費,星啤任飲.歡天喜地.今次醉翁之意,不在食,旨在酒.仲有禮物抽.喪玩到嘔.食就唔會講咁多,反正食過乜,味道如何,又真係未必記得,酒精上腦,邊記得咁多.自己又係衰,帶左兩支香檳出黎,加埋其他食友的紅白酒,仲有任飲星啤,未過三巡,已開始不支.轉入最後直路之前,差不多要拉停.歡樂今宵賽後報告,差不多過一半食友,帶醉逃出香港仔.KC兄講得無錯,今夜一定飲到走唔到.次天大清早起身幹活,個頭好似Diving一樣..一年一次半次,狂又可妨?下次再飲過.