Passion (朗豪坊) (Closed)

難得同好姊妹一齊放假，緊係要去狂瘋濕平啦，係旺角血拼左數小時，午餐都係食左碗米線填肚算數，難得行夠買夠都仲未天黑，一於去食個cake吹下水，休息一下。去到朗豪坊，原來之前間cafe已經結業，新開左間法式餐廳，既然一場黎到，又有蛋糕甜品，咁就一於試下啦。餐廳樓底好高，感覺好開揚，裝修風格都偏歐洲簡約風。一大排玻璃櫃放左一排排既蛋糕甜品，非常吸晴。餐廳係全自助式，首先要自己搵位，再去櫃臺點餐付款，之後有個自助電子呼叫器，餐點準備好就自己取餐。Cappacino 配埋曲奇感覺好高級，咖啡味唔夠濃，太多奶而且略甜，食埋曲奇，整個配合太甜了些...朱古力開心果，朱古力球狀外層，入面有三層，包住黑白朱古力同開心果醬，底層仲有脆脆，成件藝術品咁，非常高級精緻。不過唔知係咪歐洲人鍾意食甜野，食左幾啖已經覺得好膩，感受唔到果3層既層次感。朋友點既檸檬蛋糕，朋友話酸左d。食物賣相滿分，同自助式用餐唔襯，不過價錢反映左。臨走前開始多人，有人企係背後等位，感覺太壓迫啦，而且坐位都唔夠舒服。最重要係只感覺到甜字，好失望。