Lagom Kaffe (Closed)

朋友係咖啡控，話呢一間咖啡好唔錯，就來飲下先 🤣 我偏向小朋友口味，所以飲左iced mocha, 咖啡味係後調，朱古力味一入口好香滑，旁邊掛杯嘅朱古力醬令到杯野飲放耐左都唔會變淡，但如果用番玻璃杯會更環保呢～佢仲有自家咖啡賣喔！但因為怕技術唔到家沖唔到，所以都係來呢度飲算了🤣🤣🤣餐包係自家出品，口感偏歐式硬身有口感，牛油係用心再搭配左香草，怕肥嘅我都忍唔住成塊牛油茶滿滿呢！另外用於當日意粉無曬😭 （我係意粉控！）所以叫左夜市酥炸海鮮，估唔到份量咁大🤣 入邊有蝦有魚有魷魚，仲有炸洋蔥同豆 ，炸洋蔥超級香！配上蛋黃醬好開胃！兩個人都差啲食唔晒，一個人千其唔好挑戰！魚肉蝦肉每一舊份量都好足料，蝦肉大隻彈牙，炸魚外脆入面仲軟嫩多汁，唔會話因為係炸野就乾巴巴，外皮輕盈唔會好油膩。主食叫多左個干貝燻鮭蘆筍燉飯，干貝係主角，三粒厚肉大大隻，一咬入口入面微生嘅鮮嫩感，出面焦香，好有帶子鮮味，爽彈唔會腥，三文魚份量就比較少，味道因為燻製過所以較重口味，咸香味好配飯，燉飯好正宗，感覺到係正宗生米煮出來，飯身偏硬，唔係出面餐廳熟飯加汁煮，忌廉奶味重而唔咸，唔錯之前食過伯爵茶芝士蛋糕，好想食雲呢拿芝士蛋糕，