Vie Won Won (Closed)

去到上環一間叫鬼混嘅餐廳☺️☺️係一間西餐廳，去充滿着藝術嘅細胞包圍着成間餐廳，喺上環呢個地方，真係特別有一個風格喺度。呢度嘅情調令我忍唔住嗌咗兩杯酒，一杯叫做Vodka Lime, 酸味特別令人開胃另一杯叫做Kiwi For All ，估唔到奇異果配搭雞尾酒係咁好飲㗎。仲嗌咗一份羊扒係五成熟嘅，呢度嘅羊扒非常出色，因為五成熟嘅羊扒能夠做到冇血水，咁樣想點食落去羊味同埋肉嘅鮮嫩，非常配搭。我嗌咗半份豬仔排骨好好味呀，佢用咗桂花蜜糖來做調味料。仲嗌咗千杯不醉雞翼配搭左梅子醬，亦都係一個好開胃嘅菜式。之後就係嗌咗我熱切期待，亦都係為咗呢道菜嚟到呢間餐廳嘅迷幻蘑菇甜品，呢個甜品嘅賣相真係好靚呀。