Aroma (Closed)

平時好少黎灣仔,今日好姐妹話有間餐廳好復古,專登約我黎食飯餐廳嘅牆用紅磚頭砌成,再掛上懷舊嘅畫,vintage味道甚濃!!原本諗住飲紅酒,但店員話呢到嘅Cocktail好特別,都係店主精心調製,出面飲唔到架,叫我地試下!佢地推介左杯Angry Melon,賣相係青綠色,中間放左條辣椒仔喺到,又幾有趣喎!!飲落真係辣架,再溝埋甜甜地嘅蘋果汁同埋vodka,味道唔錯!鍾意試新野嘅朋友可別點杯試下!!朋友點嘅Expresso Martini咖啡味又幾濃,但又唔會好苦,唔多鍾意咖啡苦澀味嘅我都飲得到,味道偏甜小小Deep Fried Shrimp外層用上腐皮包住隻蝦,炸至脆卜卜,原理同炸腐皮卷一樣,入面仲包住d日本大根, 幾有層次感!!再淋埋濃郁嘅黑醋汁,又係另一種風味!呢個咸蛋黃單骨雞翼超級好味!!雖然邪惡度爆登,但都不惜用哂d quota黎食呢道菜!!雞翼炸到好脆之餘,上面仲係滿滿嘅咸蛋黃醬同碎碎!!非常推介大家點呢個,好味到爆!!最後叫左個主菜: 24小時慢煮豬腩肉豬腩肉好大條,賣相吸引,慢煮保持到個肉好嫩,點下個山渣醬食,無咁肥膩!仲有個酸酸地嘅菠蘿醬,同個豬腩肉好夾!!