Video
Read full review
2021-07-10
97 views
👧🏻👧🏻👧🏻👧🏻相信大家對Jacomax依間意大利餐廳應該都唔會感到陌生，仲記得佢地上環間鋪等位嗰條隊真係長得好可怕😳，👧🏻s都曾經為咗個蘋果薄餅🍎而排埋一份。今次👧🏻s經過銅鑼灣嘅時候，發現佢地喺渣甸中心開咗分店，仲要咁啱冇人排隊，機會難得，緊係即刻沖入去回味下~🤤 銅鑼灣分店比上環間鋪細，可以容納嘅人客亦都會比上環少，不過感覺上以前上環嘅人龍比銅鑼灣長好多(戴返個頭盔先👷♀️：唔知依家上環仲係咪有咁多人排)，所以大家想試嘅話就可以自己衡量下去邊間好啲啦。 ✧✧✧✧✧✧✧✧✧✧✧✧✧✧✧✧✧✧✧✧ 1) 藍芝士蘋果薄餅 HK$178 去Jacomax唔食依個pizza🍕應該就同去食燒肉唔食牛舌一樣，唔知你去黎做咩。🤭未食已經聞到好香嘅藍芝士味，食落蘋果味唔會話非常突出，但係當焦甜嘅蘋果🍎遇上濃烈嘅藍芝士🧀，簡直好似開緊一個鹹甜盛宴，兩者加埋一齊真係好夾‼😍加上依個薄餅係薄底嘅薄餅，完全係正中👧🏻嘅紅心🎯~不過有一點係👧🏻覺得比較可惜嘅，就係……佢地個pizza得12吋，對大胃👧🏻黎講真係唔係好夠飽，如果有大啲嘅size可以揀就好啦。😚 😍賣相：🌕🌕🌕🌕🌕😋味道：🌕🌕🌕🌕🌗 2) 煙豬
相信大家對Jacomax依間意大利餐廳應該都唔會感到陌生，仲記得佢地上環間鋪等位嗰條隊真係長得好可怕😳，👧🏻s都曾經為咗個蘋果薄餅🍎而排埋一份。今次👧🏻s經過銅鑼灣嘅時候，發現佢地喺渣甸中心開咗分店，仲要咁啱冇人排隊，機會難得，緊係即刻沖入去回味下~🤤
銅鑼灣分店比上環間鋪細，可以容納嘅人客亦都會比上環少，不過感覺上以前上環嘅人龍比銅鑼灣長好多(戴返個頭盔先👷♀️：唔知依家上環仲係咪有咁多人排)，所以大家想試嘅話就可以自己衡量下去邊間好啲啦。
✧✧✧✧✧✧✧✧✧✧✧✧✧✧✧✧✧✧✧✧
1) 藍芝士蘋果薄餅 HK$178
去Jacomax唔食依個pizza🍕應該就同去食燒肉唔食牛舌一樣，唔知你去黎做咩。🤭未食已經聞到好香嘅藍芝士味，食落蘋果味唔會話非常突出，但係當焦甜嘅蘋果🍎遇上濃烈嘅藍芝士🧀，簡直好似開緊一個鹹甜盛宴，兩者加埋一齊真係好夾‼😍加上依個薄餅係薄底嘅薄餅，完全係正中👧🏻嘅紅心🎯~不過有一點係👧🏻覺得比較可惜嘅，就係……佢地個pizza得12吋，對大胃👧🏻黎講真係唔係好夠飽，如果有大啲嘅size可以揀就好啦。😚
😍賣相：🌕🌕🌕🌕🌕
😋味道：🌕🌕🌕🌕🌗
2) 煙豬肉忌廉粗意粉 HK$148
對依碟意粉嘅第一印象就係條意粉真係好粗，基本上喺香港普遍嘅西餐廳都冇咩點見過依種粗度嘅意粉，所以👧🏻都覺得幾得意。😊意粉🍝算係煮得啱啱好，唔會因為係粗意粉而煮得過淋或都過硬。煙豬肉帶有煙肉🥓嘅鹹香，不過對👧🏻黎講有少少油膩同過鹹。至於掛係意粉上嘅忌廉可能因為煙豬肉嘅味道過於突出🤔，感覺有啲bland，配埋煙豬肉食就啱啱好。整體黎講，煙豬肉加忌廉真係令到成碟意粉好heavy，👧🏻建議怕油膩嘅人可以試下佢地其他比較清爽嘅pasta。☺
😍賣相：🌕🌕🌕🌕🌑
😋味道：🌕🌕🌕🌑🌑
總括黎講，👧🏻覺得佢地嘅藍芝士蘋果🍎薄餅真係好特別，始於算係喺香港比較少見嘅薄餅，係值得一試嘅，不過如果你唔中意芝士嘅話可以當我無講過。😂
有一點提提大家：如果想同朋友坐耐啲傾下偈嘅話，👧🏻就唔太建議大家去Jacomax。事關佢地鋪頭真係長期大排長龍👯♀️，基本上食完已經要準備俾錢走人，因為真係感受到佢地有下一枱客，嗰日唔夠飽想再加點嘅👧🏻都就此作罷。
✧✧✧✧✧✧✧✧✧✧✧✧✧✧✧✧✧✧✧✧
✨整體評分✨（5分滿分！）
🏠環境：🌕🌕🌕🌕🌑
🤵🏻服務：🌕🌕🌕🌑🌑
💲抵食：🌕🌕🌕🌗🌑
💯總分：🌕🌕🌕🌗🌑
➖➖➖➖➖➖➖➖➖➖
🍽 Jacomax 🍽
📍 銅鑼灣渣甸街50號渣甸中心地鋪
☎️ 23350900
Post
