Video
Read full review
2014-01-03
446 views
Waffles 可以話係近一、兩年香港最大熱既食物之一，唔少cafe或食店都有售賣waffles 甚至開設專門店賣waffles。其實waffles 主要比利時式同美式，比利時式都有分兩種，Belgian waffle同Liège waffle 。Belgian waffle，waffle既餅身會較厚，格仔會較Liège waffle大啲。而Liège waffle，源自比利時其中一個城市--Liège，體積較Belgian waffle細，實身啲同埋因為有caramel所以令到呢種waffle有少少甜。美式waffles 格仔係細過比利時既waffles，而且更薄身。而呢間WAFFFLE! 就主打售賣正宗比利時既waffles。店鋪位於嘉咸街，一提起嘉咸街，大家會諗起啲咩？『嘉咸橫街中，大宅門裡，百態混聚，共冶出生趣。』我就諗起香港歌手謝安琪歌曲入面既呢一句！嘻嘻 嘉咸街其實好易去，如果大家識去結志街某一間十分出名既茶餐廳"蘭xx"的話，喺呢間茶餐廳一路向前行第二條橫街轉左上去就會到WAFFFLE!。WAFFFLE!門面一入到去WAFFFLE!，大家會見到有唔少半熟既waffle
而呢間WAFFFLE! 就主打售賣正宗比利時既waffles。店鋪位於嘉咸街，一提起嘉咸街，大家會諗起啲咩？『嘉咸橫街中，大宅門裡，百態混聚，共冶出生趣。』我就諗起香港歌手謝安琪歌曲[最後晚餐]入面既呢一句！嘻嘻 嘉咸街其實好易去，如果大家識去結志街某一間十分出名既茶餐廳"蘭xx"的話，喺呢間茶餐廳一路向前行第二條橫街轉左上去就會到WAFFFLE!。
WAFFFLE!門面
一入到去WAFFFLE!，大家會見到有唔少半熟既waffles 喺熱爐上存放住等客人order。Pre-made waffles
當有客人order waffle既時候，店員就會將本身半熟既waffle 再翻熱。WAFFFLE!主要售賣三款waffles。第一款係the Classic ，(即係傳統比利時 Liège waffle)，第二款係the Wafffle! Devil (用上比利時朱古力fill左喺waffle入面)，仲有一款就係每週精選。Toppings
大家可以喺waffles 上面加toppings，加一款toppings 就加$5，加兩款toppings 就加$8，而如果你貪心啲想加晒所有toppings 既話，可以加$15。Toppings 既選擇有whipped cream，nutella，chocolate chips，strawberries，kiwi fruits，banana，Belgian speculoos biscuits， crispy balls 同 cookie crumbs等。店員幾有禮貌，而且會每種toppings都會有介紹。Nutella
Nutella 呢款朱古力味濃既朱古力醬相信全球擁有大批fans，而WAFFFLE!店內有唔少好大樽既 nutella 擺放，真係望見都興奮！ 店內牆身
店內面積唔大，大約有7個位，入面牆身幾特別，因為係一塊白板，比你任意塗上自己想寫既字或者圖案。Wafffle! Devil + all toppings ($28+15)
我叫左Wafffle! Devil加晒所有toppings，係咪好震撼既感覺？ Wafffle! Devil 其實係waffle 入面加上了比利時朱古力，朱古力味其實幾濃。呢度既生果toppings，例如banana，kiwi fruit同strawberries都幾新鮮，crispy chocolate balls同cookie crumbs都 好脆口，whipped cream 好smooth好滑，各款配料都唔錯而且有佢獨特既一面。Waffle 標榜係比利時正宗waffle，呢款確實係幾正宗，屬於Liège waffle，waffles外層幾脆身，入面就幾chewy 同埋密度幾高，味道上waffle本身係幾甜，加上朱古力既香濃，味道係唔錯。有啲人認為waffle呢種少少濕潤加上chewy係成個waffle 根本未熟既感覺，有啲人就認為咁先夠正宗。我個人認為確係有少少未熟透既感覺，但算係香港較貼近比利時waffle 水準既一間。當然，比利時正宗waffles 好食得多啦，而喺香港嚟講，質素算唔錯，waffles既外脆內軟加上朱古力味濃拉番唔少分。
唔同人對於呢間既waffles評語都未必會相同，有啲喜歡美國waffles既人，會覺得唔好食。有啲比利時waffles 愛好者，又會認為未夠正宗。鍾意食港式格仔餅既人，又會可能認為呢間waffles 唔夠格仔餅咁平咁地道。俗語有云：『咸魚青菜，各有所愛。』任何人對於喜愛既標準都唔同，每個人亦有自由權利發表自己意見，咁先係呢個社會寶貴既地方。
Post
