Video
Read full review
2021-10-28
2982 views
我一直都有聽過「慢理牆城」呢間餐廳，之前仲試過想同朋友喺度慶祝生日，但週末實在太難訂位，所以放棄咗😭。最近同事話請我食Farewell飯，於是我就直接提出嚟呢度。我哋今次有預早訂定枱，但估唔到平日晚上嚟食都要八點半先有位，真誇張😳。但上到去就明白了，因為餐廳面積唔大。我哋要等其他客人離座先入得，不過店員非常有禮貌作解釋，無問題啦。呢度環境確係幾靚，就好似鬧市中嘅綠洲🌴，適合打卡，冇令人失望。餐廳主打西餐菜式🍽，有齊沙律、小食、肉扒、意粉、意大利飯同甜品等。價錢屬中等水平，不過上菜後，我會改口為抵食👍，皆因佢係美式份量，超級大份！牛油果水牛芝士蕃茄波波沙律配柚子黑醋汁($108)，🥗沙律分成兩部份，其中有一邊係沙律菜，啲菜幾新鮮嫩綠。醬汁分開上，黑醋汁中混入柚子，令味道變得特別，又無咁酸。另一邊廂就係牛油果🥑，佢將中間粒核挖出嚟後，再釀入水牛芝士同車厘茄，成個組合幾夾，而牛油果本身又夠熟，所以肉質軟軟的。煙三文魚流心蛋大啡菇($98)，🍄大啡菇一客有兩隻，造型都幾澎湃。大啡菇由幾層組成，當中包括流心蛋、煙三文魚同焗芝士。🥚流心蛋被篤穿後，流出蛋汁，令大啡菇變得唔乾身。煙三文魚亦有花上心思
我一直都有聽過「慢理牆城」呢間餐廳，之前仲試過想同朋友喺度慶祝生日，但週末實在太難訂位，所以放棄咗😭。最近同事話請我食Farewell飯，於是我就直接提出嚟呢度。
我哋今次有預早訂定枱，但估唔到平日晚上嚟食都要八點半先有位，真誇張😳。但上到去就明白了，因為餐廳面積唔大。我哋要等其他客人離座先入得，不過店員非常有禮貌作解釋，無問題啦。呢度環境確係幾靚，就好似鬧市中嘅綠洲🌴，適合打卡，冇令人失望。
餐廳主打西餐菜式🍽，有齊沙律、小食、肉扒、意粉、意大利飯同甜品等。價錢屬中等水平，不過上菜後，我會改口為抵食👍，皆因佢係美式份量，超級大份！
牛油果水牛芝士蕃茄波波沙律配柚子黑醋汁($108)，🥗沙律分成兩部份，其中有一邊係沙律菜，啲菜幾新鮮嫩綠。醬汁分開上，黑醋汁中混入柚子，令味道變得特別，又無咁酸。另一邊廂就係牛油果🥑，佢將中間粒核挖出嚟後，再釀入水牛芝士同車厘茄，成個組合幾夾，而牛油果本身又夠熟，所以肉質軟軟的。
煙三文魚流心蛋大啡菇
$98
58 views
0 likes
0 comments
芝士焗黑松露薯條
$98
60 views
0 likes
0 comments
明太子蟹肉扁意粉
$158
39 views
0 likes
0 comments
我哋冇嗌飲品，但餐廳有提供水，所以唔使擔心。而佢提供嘅水並非普通開水，而係呈紫藍色嘅蝶豆花檸檬水💜。餐廳就連呢部份都有花心思，不過孕婦就要留意吓飲唔飲得。
總括嚟講，餐廳各方面都令人滿意，其實甚至可以用高水準來形容。食物味道好，份量又夠多，適合一班人嚟聚會，不過記住要訂定枱啊😉。最後，店員們嘅服務態度亦係值得再次表揚，佢哋全部都好專業，親切有禮，比起高級餐廳有過之而無不及。WALL is Quality🧱，慢理牆城就係高質素！
Post
