Video
Read full review
2014-07-20
1937 views
曾經何時周圍試cafe係我同陳生嘅興趣，因為我真係好鍾意甜品同咖啡呢~不過近年非連鎖式cafe越來越少，於是我地就將呢個興趣轉移到去旅行時搵啦，例如十分流行cafe文化的台灣、韓國，環境舒適食物又有質素，最緊要服務親切﹗要喺香港搵有質素嘅cafe其實都幾難呢﹗早前經朋友介紹，先知道位於灣仔巷弄之中自成一角嘅Empress Cafe﹗Empress Cafe不算大，左邊open kitchen已經佔店面一半，右邊係兩大張長枱，每日只能接待少量客人，絕非一般生意人會咁做! 只因老闆希望帶俾客人有質素的食物及體驗~ 裝修及擺設走我最愛的vintage風，特別喜歡門外果張長椅﹗仲有open kitchen牆上嘅鐘呢~呢度即叫即製，所以建議去到唔好掛住兩頭望，要快D叫野食先~呢度有All Day Breakfast、pasta、waffle，價錢喺灣仔區嚟講好合理，甚至算平﹗飲品亦好精彩~花茶咖啡都有好多選擇﹗本來想飲咖啡，不過見到花茶用咁靚嘅杯載住忍唔住要一杯玫瑰普洱茶啦~比平時飲茶果D普洱較清淡，但入口順滑帶清幽玫瑰香氣，有少少甜，原來落左玫瑰syrup!當晚試左幾款signature di
早前經朋友介紹，先知道位於灣仔巷弄之中自成一角嘅Empress Cafe﹗
Empress Cafe不算大，左邊open kitchen已經佔店面一半，右邊係兩大張長枱，每日只能接待少量客人，絕非一般生意人會咁做! 只因老闆希望帶俾客人有質素的食物及體驗~ 裝修及擺設走我最愛的vintage風，特別喜歡門外果張長椅﹗仲有open kitchen牆上嘅鐘呢~
呢度即叫即製，所以建議去到唔好掛住兩頭望，要快D叫野食先~呢度有All Day Breakfast、pasta、waffle，價錢喺灣仔區嚟講好合理，甚至算平﹗
飲品亦好精彩~花茶咖啡都有好多選擇﹗本來想飲咖啡，不過見到花茶用咁靚嘅杯載住忍唔住要一杯玫瑰普洱茶啦~比平時飲茶果D普洱較清淡，但入口順滑帶清幽玫瑰香氣，有少少甜，原來落左玫瑰syrup!
當晚試左幾款signature dish!先嚟一個Risotto，橙橙黃黃以為係南瓜？其實係鮮蝦芒果椰汁意大利飯﹗相信靈感係嚟自芒果椰汁飯吧~ Risotto算係較硬身，唔會太lum，有嚼勁。不過唔知點解有少少苦澀味，類似香茅果種；芒果就非常鮮甜，蝦亦都好新鮮﹗最好每一口都有齊呢幾樣食物，味道會更豐富!
跟住呢個藍莓意大利飯配大草菇更有驚喜﹗意大利飯之所以紫色，係因為用上新鮮藍莓而唔係現成果醬﹗鮮藍莓好貴的呀!! 老闆為左美味真係落重本!!加入藍莓做risotto呢個idea已經好新穎，味道係點呢~？只是非常微的酸，但仍然保留藍莓的鮮甜，好好味架呢~果隻大菇亦鮮味十足同好juicy! 我平時唔係好食菇，都覺得佢好好食~
Pasta亦係呢度嘅主角之一，香辣墨西哥青椒汁沙拉美腸天使麵辣味剛剛好，不會太搶，好惹味﹗青椒汁其實都唔係好有青椒的苦澀味，如果可以再加d香草味就更好了~
嘿嘿﹗跟住落嚟就係勁多Waffle呀﹗下？咁快食甜品？邊個話Waffle一定係甜架~先嚟兩客咸Waffle啦~經典窩夫配香草意式肉醬其實好有茶記「窩蛋牛肉飯」嘅韻味﹗先試一口原味窩夫，係我最愛嘅濃濃蛋香﹗少少甜，外脆內軟~沾上微酸又好有家庭風味嘅香草意式肉醬，感覺都幾新鮮~
大家一邊分享著，一邊等待新鮮即製嘅下一道菜~好快就有熱騰騰嘅火腿芝士飛碟窩夫啦~
表面上看似原味窩夫，一切開就有驚喜了﹗原理就同飛碟三文治一樣，中間夾左芝士同ham，經過熱力之下，中間嘅車打芝士係半溶架呢﹗個人認為芝士味同窩夫比較夾，所以咸窩夫類我比較喜歡呢個~
甜點要來了~~呢個Top Shot似咩呢？係pac-man食鬼呀~窩夫甜品其實唔洗太花巧，加少少朱古力醬，每一口先沾上Dryer's雪糕，窩夫的熱力瞬間將雪糕溶化，窩夫吸收左冰凍嘅雪糕，一咬落去"唧"出甜甜的雪糕~太美味了~
除左雪糕，莓類都係窩夫嘅好朋友﹗雜莓窩夫三文治造型已經令女生尖叫﹗新鮮雜莓加上cream同雪糕又酸又甜，你會好自然地一口接一口食左佢~忘記咩野叫肥吧啦~~
最後呢個甜品正式嘅名已經唔記得左~ 就叫佢做「名副其實咖啡雪糕」吧﹗一式兩件：1杯Espresso+1杯雪糕~ 食用方法就係將熱騰騰嘅Espresso倒入凍冰冰嘅雪糕上，雪糕慢慢被咖啡嘅熱力溶化但又未溶得哂﹗不過都要快手食啦~ 每一啖又凍又滑嘅雪糕都混合著香濃咖啡味，比任何一個牌子嘅咖啡味雪糕都嚟得更「咖啡」!! 繼窩夫之後又一要再食嘅甜品!!
Other Info. :
餐廳枱數不多，有時又會俾人包左場做private party，所以建設事先預約，以免白行一趟
(The above review is the personal opinion of a user which does not represent OpenRice's point of view.)
Post
