李公館

Open Now

Now Closed

成日聽到人講話呢間李公館好好食，灣仔好出名，趁住年尾做冬想同屋企人食好啲，特登走去訂咗個所謂馳名羊腩煲，外賣自取，講明2:30去攞，到咗當日，仲喺電話上面確認咗到取時間，結果去到，水靜河飛，冇人理，亦都好似冇人知道有人訂咗外賣，淨係叫你坐出門口等，後來終於有人走出嚟話確認曾經收到order，但係話冇人知道係2:30，只係收到order三點攞，其實當時已經係2:50，佢話得兩條路揀，一係而家開始整，但係要等20分鐘，如果唔係就自己攞包急凍咗嘅返去自己搞，叫佢攞出嚟睇吓，就係一個膠袋包住一細包唔知係乜嘅嘢，通常羊腩煲都會跟碟菜 俾你自己淥，呢度$248，連菜都冇條。咁嘅服務，咁嘅質素，咁嘅份量，食咗識飛都冇用啦。大節流流，唔想同佢嘈，留字奉勸各位，三思。