Pirata

Open Now

Now Closed

服務態度好好，原本訂咗12點，但因為要開會遲咗，打去想問張枱仲留唔留到嘅時候，餐廳嘅人員態度非常熱情同友善咁回應佢會留張枱俾我。去到嘅時候每個接待嘅侍應都好有禮貌，雖然上菜時間比原定耐咗少少。但侍應們都好醒目同埋好照顧我哋感受，會嚟我哋張枱話俾我哋聽啲嘢食會好快送上嚟，唔會令到我哋覺得好似喺度覺得齋等冇人理我哋咁。嘢食嘅味道唔錯，擺盤好睇，灣仔lunch set 質素嚟講幾抵食。我喺OpenRice訂嘅時候剔咗生日，估唔到上甜品嘅時候餐廳寫咗Happy birthday，呢個係我哋真係冇諗過，好有心，侍應們仲走埋黎唱生日歌，主動幫我哋影相，仲有即影即有送返俾我哋。已經好少遇到餐廳咁主動又咁有心去提供服務，推介。