拾味山西刀削麵館

Open Now

Now Closed

曾幾何時試過拾味山西刀削麵館，仲記得呢度既刀削麵非常有咬口，今日經過又食返餐先。餐牌有推薦菜式，刀削麵自由配，冷刀削麵，熱拌刀削麵，溫泉蛋木耳刀削麵。唔食麵都有其他選擇，例如上海菜飯，上海淨水餃，上海淨雲吞，滋味小食等等。飲品有常見茶記冷熱飲品。刀削麵可轉拉麵，米線或者年糕。口水風味冷刀削麵配牛肉絲 $68刀削麵係粗身扁狀帶少少不規則，非常之咁有咬口，非常煙韌，真係要咬一陣先好吞。配有清爽青瓜絲，香脆花生米少少同擔擔醬。個擔擔醬係酸酸辣辣，入面真係有豬肉粒，都幾好味，汁份量絕對夠撈麵。可以選一餸，我揀左牛肉絲，其實係牛展切絲，少少口水汁放係牛肉絲上面，最後灑上白芝麻粒。麵量好多，食極都有。熱拌刀削麵配牛腩 $62熱拌刀削麵原來比冷刀削麵淋好多，個人覺得熱拌麵質感最好，軟硬度適中。跟四川擔擔醬，個醬都係暖，味道好好。牛腩4大舊，炆得好腍，入口即溶，而且個汁好入味又好香。芫荽蔥花放匙羹另上。蒜泥牛展 $70蒜泥牛展一客10片，面頭中間一大pat蒜泥，自己選擇加幾多。牛展質感係要咬下個d，本身個汁都好入味，係滷水味，加埋蒜泥就變左酸辣。總括而言，呢度d麵大大碗，包食飽，特別推介牛腩同熱拌麵。