Wanna Eat

Open Now

Now Closed

呢間wanna eat 個名好得意，門口一入去，環境光猛整潔，店員馬上招呼，感覺良好。我最鍾意喺廚房透視設計，食客可以睇到食物製作過程，非常放心。我哋兩個人個叫咗一個主菜，分別係拔絲咕嚕肉定食同埋香煎豬扒配薯條沙律。先講定食，跟咗兩個小菜，有麻辣雲耳同埋蓮藕片。麻辣雲耳葉得非常入味，瞬間清晒，蓮藕片夠爽脆，非常開胃。拔絲咕嚕肉成粒乒乓波咁大，上菜時真係嘩咗一聲，咕嚕肉皮脆多肉，一個人真係食唔晒，要同朋友開心share。香煎豬扒有兩大塊，厚切仲有肉汁，薯條勁脆，食完大滿足。我哋各加咗$20要沙律同餐湯。是日餐湯係椰菜花忌廉湯，沙律都好大兜。另外叫咗一個蜜糖芥末醬雞翼。雞翼大大隻，皮煎到勁脆，配埋蜜糖芥末醬勁嘢味。飲品方面，我哋叫咗士多啤梨smoothie,同埋熱情果冰茶。嘢飲跟餐可以半價，smoothie好杰身，係足料之作。熱情果冰茶唔會太甜，好refreshing。