Warren (Closed)

相比銅鑼灣，我更喜歡大坑，旺中帶靜，私隱度高。位於華倫街既Warren，係大坑既後花園。Warren in the Warren Street，就等我帶大家一齊沉浸式享受老闆兼主廚既一條龍服務！餐廳俾我感覺唔只係坐低食飯既地方，我可以自由出入，一時喺座位食條意粉，一時行出戶外飲啖酒，一時四處欣賞室內掛畫和藝術品，一時走到Bar枱睇老闆煮野食吹吹水，輕鬆自在，快活寫意。所有食物係即叫做，每道菜都係老闆親自一人用心設計和製作，我最鍾意呢樣野，係一大優點。送酒開胃小食-雞泡魚乾-焗鴨肉脆角-Prawn & Smoked Salmon Spaghetti with Lobster Sauce 鮮蝦煙三文魚意粉（龍蝦汁）每條意粉都掛滿龍蝦汁，煙三文魚上放有黑魚子醬，還有爽彈大蝦，一大碟好美味。-Fresh Oyster 時令生蠔生蠔即開新鮮，size適中，一啖放入口，淡淡鮮味口內爆開。-Seared Secreto lberico Pork Shoulder 香煎伊比利黑毛豬肩肉豬肩肉煎香，肉嫩超juicy，擺盤精緻。