Video
Read full review
2016-10-20
1309 views
出黎做野之後同朋友見面時間少左，星期六日放假都係想搵個靜靜地既地方，同閨蜜high tea傾下心事。帝都酒店1+1吧既甜品buffet一向comment都唔錯，咁啱見到佢新推出左「秋‧日韓風甜品下午茶自助餐」，有栗子同其他日韓特色甜品做主打，於是同甜品控友人C黎試下，順便同佢補祝生日。甜品Buffet時間為下晝2:30 - 5:00，我地大約2:20到達，等左5分鐘左右好快就俾安排入座。我地既位置靠窗，可以望到戶外環境，感覺更relax! 坐底之後就行左一圈睇下有咩食，大概有10幾款甜品，種類唔算特別多。栗子甜品有秋栗朱古力脆脆蛋糕、草莓栗子忌廉撻同栗子紅豆杯子蛋糕，日式甜品有日式竹炭甜薯卷蛋、抺茶芝士蛋糕等，韓風甜品就有韓國人蔘芝士蛋糕、韓國人蔘杞子蜂蜜果凍、韓國水梨金寶等，仲有即製窩夫同大判燒。另外有自助飲品區，可以沖咖啡或者檸檬茶之類。韓國人蔘杞子蜂蜜果凍：一入口就feel到好濃烈既人蔘味，雖然有蜂蜜襯托，但係都俾人蔘味蓋過左，食左幾啖就放棄左韓國士多啤梨忌廉蛋糕：比想像之中好食，士多啤梨唔會酸而且幾juicy，海綿蛋糕都好鬆軟草莓栗子忌廉撻：上面既栗子蓉打得好細好滑，有好濃郁既
甜品Buffet時間為下晝2:30 - 5:00，我地大約2:20到達，等左5分鐘左右好快就俾安排入座。我地既位置靠窗，可以望到戶外環境，感覺更relax!
坐底之後就行左一圈睇下有咩食，大概有10幾款甜品，種類唔算特別多。栗子甜品有秋栗朱古力脆脆蛋糕、草莓栗子忌廉撻同栗子紅豆杯子蛋糕，日式甜品有日式竹炭甜薯卷蛋、抺茶芝士蛋糕等，韓風甜品就有韓國人蔘芝士蛋糕、韓國人蔘杞子蜂蜜果凍、韓國水梨金寶等，仲有即製窩夫同大判燒。另外有自助飲品區，可以沖咖啡或者檸檬茶之類。
韓國人蔘杞子蜂蜜果凍：一入口就feel到好濃烈既人蔘味，雖然有蜂蜜襯托，但係都俾人蔘味蓋過左，食左幾啖就放棄左韓國士多啤梨忌廉蛋糕：比想像之中好食，士多啤梨唔會酸而且幾juicy，海綿蛋糕都好鬆軟
草莓栗子忌廉撻：上面既栗子蓉打得好細好滑，有好濃郁既栗子味，不過撻皮就淋左少少
日式竹炭甜薯卷蛋：黑色既卷蛋好得意，帶淡淡既竹炭味唔會過甜，仲有粒粒甜薯好有口感
脆焦糖芝士撻：表面有一層玻璃焦糖，芝士餡好幼滑，外脆內軟，如果熱辣辣仲正，我同友人C都忍唔住encore左次韓國人蔘芝士蛋糕：上面真係有成條人蔘好足料，表面係一層人蓼啫喱，同芝士味出奇地夾，感覺幾清新，連一向唔鍾意人蔘味既友人C都話唔錯
Kit Kat & M&M 朱古力蛋糕：純粹係貪得意夾既，令我同友人C諗起以前中學家政堂都整過一個類似既蛋糕，不過我地當然冇酒店大廚整得咁好食啦
栗子紅豆杯子蛋糕：蝴蝶裝飾好靚好精緻，栗子同紅豆都幾夾唔會太甜
食完咁多件甜品其實已經好飽，但係唔心惜點都要出去行多圈。見到有師傅用BRUNO機整緊大判燒，於是拎左一個同友人C share，即整既大判燒帶點煙韌同蛋香，裡面係custard同紅豆，不過略嫌紅豆太少，個人認為可以再甜返少少。雖然仲有即製窩夫，但我地實在太飽唯有放棄。
另外仲有好幾款甜品我地都冇試到
總括黎講，食物款式唔算多，但始終係酒店質素點都有保證，而且每人都只係HK$118+10%，絕對物超所值。環境方面幾清幽舒服，如果想靜靜地傾下計hea幾粒鐘都係一個唔錯既選擇。下次再有新主題，都會考慮再黎。
Post
