Video
Read full review
2017-11-07
1069 views
又到每個星期最難捱既星期一🤦🏻♀️ 收左工唔係唔去食餐好既慰勞下自己丫麻🤷🏻♀️ 今日咁岩同大佬係尖沙咀一齊收6點，又唔想翻屋企煮飯，就決定係尖沙咀食野，去左k11睇下有咩好食，上到2樓見到呢間GOCHISO d裝修幾靚，meun又幾吸引，大佬就話食呢間。 入到餐廳感覺都幾舒服，環境有格調，最中意呢個酒樽燈。座位都算好多，閒日應該wall in 都會有位，6點9去到得幾枱，到左7點半個d位都坐左7-8成。大佬乍型話我整比佢個lunchbox太少飯搞到佢好肚餓，所以要嗌dinner set話多d野食😂湯我地揀左一個法式洋蔥湯一個磨菇湯，洋蔥湯入面有一絲絲既洋蔥，上面浸住左一塊林曬既麵包，個湯好清，帶d甜味，大佬表示好欣賞。至於磨菇湯，好香濃，偏稠身，但絕對唔係好似pizzahut個種開粉既口感，我個人就偏好磨茹湯多d😍🍄頭盤可以有三款，左手邊個個係蝦牛油果法包多士，相信大部人都會估佢個醬係牛油果醬，錯錯錯，係wasabi醬🤣 但係一d都唔攻鼻的，有兩三粒大蝦肉係多士面，底層既多士烘得好脆，食落好有口感。右手邊個個係香橙雞肉片，係冷盤黎既，雞肉係用雞脾部份做所以唔會嚡，雪凍左既關係肉質係偏
入到餐廳感覺都幾舒服，環境有格調，最中意呢個酒樽燈。座位都算好多，閒日應該wall in 都會有位，6點9去到得幾枱，到左7點半個d位都坐左7-8成。
大佬乍型話我整比佢個lunchbox太少飯搞到佢好肚餓，所以要嗌dinner set話多d野食😂
湯我地揀左一個法式洋蔥湯一個磨菇湯，洋蔥湯入面有一絲絲既洋蔥，上面浸住左一塊林曬既麵包，個湯好清，帶d甜味，大佬表示好欣賞。至於磨菇湯，好香濃，偏稠身，但絕對唔係好似pizzahut個種開粉既口感，我個人就偏好磨茹湯多d😍🍄
洋蔥湯(左) & 磨菇湯( 右)
21 views
0 likes
0 comments
頭盤可以有三款，左手邊個個係蝦牛油果法包多士，相信大部人都會估佢個醬係牛油果醬，錯錯錯，係wasabi醬🤣 但係一d都唔攻鼻的，有兩三粒大蝦肉係多士面，底層既多士烘得好脆，食落好有口感。
右手邊個個係香橙雞肉片，係冷盤黎既，雞肉係用雞脾部份做所以唔會嚡，雪凍左既關係肉質係偏硬身少少比較有口感，雞肉上既橙味唔夠濃，有少少橙還橙雞肉還雞肉既感覺，比較下都係中意蝦多士多d😍
蝦牛油果法包多士(左) & 鮮橙雞肉片(右)
21 views
0 likes
0 comments
頭盤仲有呢個黑松露醬魷魚圈，魷魚圈炸得好脆，魷魚好彈牙，咬開佢個時要用d力，會扯到好長既絲出來黎😂 魷魚圈本身唔咸，主要靠黑松露醬調味😁
炸魷魚圈配黑松露醬
19 views
0 likes
0 comments
我地加左個火焰芝士焗蠔，佢menu上個樣太吸引，上面有紫菜同葱😍 碟上有酒，店員會用火槍落酒，做個著火效果，絕對係港女們既影相位😂 生蠔係中size，唔會話太細粒，調味做得非常出色，咸度岩岩好，食到芝士既野味，又唔會蓋過生蠔本身既鮮味，食完粒生蠔個底仲會有d水，應該係調味撈左落d海水到，偏咸但可以接受，有種好raw既感覺，呢個係值得嗌既
芝士焗生蠔
18 views
0 likes
0 comments
主菜方面揀左牛油味三文魚pizza，坦白講望落佢既賣相並唔特別吸引，三文魚望落又唔大片，牛油果又好似唔係好多，本身期望都唔太高，但咬落去又幾好味喎😂
pizza底做得好好夠薄，食落有d似蘇皮底，pizza邊夠脆，不過真係偏油既，您會見有d黃色既油係pizza底上，可能係三文魚焗完出油都唔定。材料既分布原來好均勻，每塊pizza都會有兩片牛油果同一片三文魚，食落都唔會覺得無料好dry。我都幾重視pizza既source，外面好多都係千島醬或者茄汁底，呢個pizza個底食唔出佢有落咩source，但就係好好食🤔 推介推介👍🏻👍🏻👍🏻
牛油味三文魚pizza
26 views
0 likes
0 comments
仲有一個主菜本黎想嗌西班牙海鮮飯，但大佬想食意粉所以最後嗌左白酒蜆肉意粉。意粉軟硬適中夠彈牙，蜆肉份量都正常，可惜調味做得麻麻偏淡，就算食到底撈左多d汁味道都係淡。
蜆肉意粉
28 views
0 likes
0 comments
飲品我揀左個茶，Apple tango English tea，嗅落好香果茶味，飲落就同普通茶無咩分別，唔甜的，岩曬我呢d怕甜怕肥既女仔🤣
Apple tango English tea
25 views
0 likes
0 comments
大佬叫左呢個抹茶沙冰，其實係我想飲又怕肥，大佬先揀呢個，等我有得痴兩啖飲🤣 呢到既抹茶沙冰唔太甜，有少少綠茶既清澀味，都唔錯👍🏻👍🏻
抺茶沙冰
17 views
0 likes
0 comments
最後唔少得既當然係甜品啦，揀左黑朱古力魔法球🔮🍫，呢個甜品好得意，好似食扒咁有個啡色既汁（焦糖醬）跟要淋上甜品面，佢本身係一個普通既朱古力波，淋左個source上去後，外圍既朱古力會開始溶，就見到入面有一球雪糕同新鮮雜莓。撈埋底d粟米片、雪糕、莓、朱古力，一啖食落味道都ok既，無話特別好夾但都ok既，偏甜少少。粟米片唔夠脆。
魔法黑朱古力球
21 views
0 likes
0 comments
總括黎講都好推介大家去試下COCHISO，餐廳環境唔錯，都適合一大班人去食，個set雖然要$588，但真係好多野食好豐富，其實三個人share應該就岩岩好😂 下次去要試埋個西班牙海鮮飯😍
Post
