K2 Kitchen (Closed)

黎到觀塘工作，知道工廈區有好多野食，係k2 kitchen 一個人食午餐。Menu 都幾多選擇，有飯，肉類等等，可以配沙律或者湯，仲有飲品。餐前小菜係三文魚青瓜，幾得意點綴一下。意大利雜菜湯好足料，有洋蔥，紅羅白，薯仔等等，味道好香濃，有d 似羅宋湯。意大利紅茄燴牛尾配有機糙米飯$83牛尾好入味，有少少配菜，加左蕃茄煮，好開胃。飯係糙米飯，口感較特別。揀左熱檸水作餐飲，呢餐好滿足,埋單100有找。