Video
Read full review
2009-10-09
14 views
上星期我個為食friend話帶我食好嘢，嚟咗呢間「勝手」。我問佢食乜？佢話食SHABU SHABU，好正喎。去到一坐低，個款似食回轉壽司多啲！再睇MENU，又立魚湯又豬骨湯，心諗：你估而家港式打邊爐咩，咁多款湯不如去有骨氣！結果我個fd叫咗個黑豚配豬骨湯，都幾正常嘅配搭，我就叫個牛肉upgrade版，試下佢地啲和牛，但當我想要清湯嘅時候佢地竟然話冇清湯，最清係個魚湯，有冇搞錯，食SHABU SHABU就係要用清湯，如果唔係就唔使食和牛，食美國肥牛咪得囉！算，唯有要個最清嘅魚湯。Order完，原來張檯面有機關，揭開你面前塊木板有個圓形，跟住侍應就攞個鐵兜放落去，然後就加湯！我fd個豬骨湯就冇乜豬骨味，但我個魚湯就好重魚（腥）味！一人一個鐵兜，呢個場好似係專為單身人士而設，個個埋頭苦吃，你唔好搞我嗰兜，我唔會掂你嗰兜，感覺非常之怪！黑豚同和牛分別上檯喇，黑豚不過不失，和牛不敢相信，本地或美國肥牛都靚過佢，仲賣五百幾蚊。碟菜，唔見得係咩日本蔬菜，有椰菜同類似小棠菜，份量亦少得驚人，佢可能怕啲客太飽食唔到啲肉。食晒啲肉同菜，跟住嚟烏冬。侍應將一個即食嘅烏冬解咗凍，放喺隻碟上面擺喺我面前，我問佢
上星期我個為食friend話帶我食好嘢，嚟咗呢間「勝手」。我問佢食乜？佢話食SHABU SHABU，好正喎。
去到一坐低，個款似食回轉壽司多啲！再睇MENU，又立魚湯又豬骨湯，心諗：你估而家港式打邊爐咩，咁多款湯不如去有骨氣！
結果我個fd叫咗個黑豚配豬骨湯，都幾正常嘅配搭，我就叫個牛肉upgrade版，試下佢地啲和牛，但當我想要清湯嘅時候佢地竟然話冇清湯，最清係個魚湯，有冇搞錯，食SHABU SHABU就係要用清湯，如果唔係就唔使食和牛，食美國肥牛咪得囉！算，唯有要個最清嘅魚湯。
Order完，原來張檯面有機關，揭開你面前塊木板有個圓形，跟住侍應就攞個鐵兜放落去，然後就加湯！我fd個豬骨湯就冇乜豬骨味，但我個魚湯就好重魚（腥）味！一人一個鐵兜，呢個場好似係專為單身人士而設，個個埋頭苦吃，你唔好搞我嗰兜，我唔會掂你嗰兜，感覺非常之怪！
黑豚同和牛分別上檯喇，黑豚不過不失，和牛不敢相信，本地或美國肥牛都靚過佢，仲賣五百幾蚊。
碟菜，唔見得係咩日本蔬菜，有椰菜同類似小棠菜，份量亦少得驚人，佢可能怕啲客太飽食唔到啲肉。
食晒啲肉同菜，跟住嚟烏冬。侍應將一個即食嘅烏冬解咗凍，放喺隻碟上面擺喺我面前，我問佢呢個係唔係稻庭烏冬啊？佢好有禮貌地答我：係啊。離晒譜，稻庭烏冬點會好似個公仔麵咁四四方方，有欺騙顧客之嫌！
最後由一個毫無誠意嘅雪米糍作終結。
想問下勝手個老闆，究竟知唔知咩叫SHABU SHABU?? 你自己唔知都唔好當全部香港人唔知！
Post