白鬍子炸魚薯條

Open Now

Now Closed

香港有冇好食嘅炸魚薯條？ 我會諗起西環海旁那看海店，記得質素唔錯。當然，你叫我推薦多一間，我應該會無貨。畢竟，我不是炸魚薯條的超級粉絲。 星期五的晚上，同朋友系卑利街想飲下野，食個飯，呢條街依舊好不熱鬧，本來有想過飲杯酒鋸下扒過Friday night，結果朋友推薦呢間White Beard，佢話呢到有好好食嘅炸魚薯條，於是，我地便決定以呢個為目標，外帶上朋友屋企飲酒。 其實呢間酒吧嘅環境都唔錯，可惜限聚令嘅關係，我哋都系選擇外賣返去，全因朋友住附近。 廚房有個型男負責，一個人打點大部份嘅嘢。 好多種唔同嘅酒類同Cocktail可以俾你揀，唔食嘢都可以嚟飲下酒。 有多種唔同嘅炸魚薯條嘅口味，最特別嘅系有冬陰功味，當然味道太搶會失去原本炸魚薯條嘅味道，最後我選擇咗檸檬黑椒味。 從來唔喜歡呢啲炸嘢嘅我覺得出奇地好食，絕對有英倫風範，加上薯條都幾唔錯，我好想介紹我系薯條控黎評下理，而炸魚，大塊得來完全無雪藏味，好正。 另外叫左個拼盤，有炸蝦，洋蔥圈，明太子雞翼同魷魚圈。 整體吃得出炸物水準好高，喺度飲白酒或者啤酒，認真一流，最推介雞翼。