Wagyu Ya (Closed)

日式餐廳，高質和牛為主，💰價錢偏高位，環境少暗，大概6個吧枱位，6張四人枱。樓面只有一位待應，也能同時處理4枱客人。✨味道80分，服務75分，環境75分。.🔸食肉者($588)分別有四款A5牛匠岩手和牛，每款有兩件，包括牛舌，肩胛肉，西冷，三角腩。每邊燒大約20秒，全部油脂分布都好好，好juicy。-牛舌腍得黎，口感彈牙。-肩胛肉，啲油脂一咬滲出，味道淡啲。-西冷相對有咬口，油脂少啲，肉味重啲。-三角腩最重油脂，一咬吱哂出黎，不過味道最淡。.🔸A5和牛三文治($398)三文治包面烘到脆口，夾住酥脆既吉列和牛，仲有薄層酸酸地既酸瓜沙律醬，減低油膩感。上面仲加左魚子醬同金箔襯托。.🔸每日限定Wagyu Don ($498)超香，好足料，好多餸，反而想佢比多啲飯添🍚有好多左口魚，和牛，鵝肝，滿滿油香。海鮮方面，有海膽，吞拿魚茸，三文魚籽。.🔸黑松露牛油果沙律($108)上面有帶子刺身，黑松露醬香濃，沙律菜新鮮。