The Joomak (Closed)

今晚齊人約出來同舊朋友食下飯，好耐冇過來海港城食嘢，今晚真係幸運可以坐係窗邊，食緊飯嘅時候仲見到麗星郵輪經過，真係令人感動！地方都幾大幾舒服，個人蔘雞湯好夠蔘味，飲一啖不禁令人思想人生，湯嘅味道就好似人生咁，有時候先苦後甘.... 其實我都係想表達佢嘅after taste 幾甘，同埋啲雞肉煮到幾淋。炸雞令人喜出望外，炸得幾脆，啲肉又幾夠雞味。用豆漿做湯底真係好創新，不過佢一滾起上嚟，真係好難操控。好彩侍應們照顧好周到，一睇見我們手足無措就會上次來幫手。得出來賣相講真就唔太好……但係食落係好濃嘅豆味咁啲菇好爽口幾好味。落咗啲海鮮之後，個湯又變得幾滋味喎有雪耳食，好滋補！實不相瞞，啲麵其實幾好食，好滑身。