Wing It! (Closed)

星期六同朋友去銅鑼灣嗰邊行下街，到夜晚我地打算去禮頓道附近睇下有咩特色小店食晚餐順便打下卡。首先我係被個招牌吸引到，睇真啲就發現係食雞翼嘅專門店。係香港都幾少見，所以我地決定入去試下。一入去我地就好快手叫左野食，我地揀左一半一半，即係原味同脆皮都有得試。餐牌上面仲有好多唔同嘅醬汁可以揀，有平時見開嘅蛋黃芥末、燒烤醬、蜜糖是拉差等，特別啲嘅仲有墨西哥辣椒芫茜同埋北京填鴨醬。咁我今次就係試咗呢幾個醬，雞翼唔洗五分鐘到有得食，認真夠快。啲雞翼就算唔點醬都唔錯，唔會話炸到好乾，保存到佢嘅肉汁。 我就唔係好食得辣，但係都覺得墨西哥辣椒芫荽汁都唔錯嘅，有少少辣，辣得嚟都幾惹味同埋幾開胃，非常值得一試!我哋之後都有叫咗果汁試下，因為睇佢入面嘅料都幾豐富。 總共係有四款果汁，我哋就淨係試咗兩款CROW N'GO 同埋JUICY JUNGLE。兩個都絕對吾難飲，個人就較推薦CROW N'GO，因為比較酸甜可口。如果鍾意香蕉嘅人呢咁就應該揀JUICY JUNGLE 會比較適合，因為蕉味幾濃下。我哋最後仲叫咗芝士條同埋薯條，因為都唔算貴。 薯條嘅份量我覺得啱啱好啦而且都幾香脆，仲唔會落好多鹽，所以都唔會話食