緣味小聚 (93WYS)

Open Now

Now Closed

早排聽朋友介紹過呢一間緣味小聚，話呢一間餐廳又抵食又好味！所以今日食lunch嘅時候就走咗過去試吓佢！一入到去嘅時候就見到呢度舖頭嘅環境裝修幾舒服，而且有好多唔同嘅懷舊風味嘅感覺！整體上都幾舒適😊而且非常開陽！今次就叫咗呢一個重量點心拼盤，咁大份嘅點心拼盤都只係$88 ，真係好抵食！入面嘅點心選擇亦都好多種類，有蝦餃，燒賣，菜苗餃，蜂巢糕，叉燒包同馬拉糕！基本上，我想食嘅嘢都已經齊全左！非常好🤣而且，呢度嘅點心真係好好食！我自己好鍾意食呢一個菜苗餃，菜苗餃嘅皮好薄，而且入面嘅餡料亦都好香！另外仲叫咗一份川味口水雞，呢一個口水雞真係非常滋味！好香嘅麻辣風味，而且呢度嘅雞肉非常嫩滑👏🏻✌🏻