彩興來來火鍋 (Closed)

九宮格調味料，好靚，有XO醬任加鮮鯇魚湯($168)，用成條鯇魚做個湯底，店員話可以先品嚐左個湯先，的確好鮮味，因為之後加湯都只會加返豬湯。極上肥牛(大)$248，雪花紋路均勻，厚薄適中，食落好軟腍，熟左後脂肪位置都有少少通透。醬爆手打丸($128)，柚子墨魚丸、芥末芝心鮮蝦丸、黑松露蘑菇牛丸、花膠粒北菇肉丸，每種味都好吸引，我最鐘意柚子，墨魚丸夠彈牙，配埋柚子又幾特別。即炸響玲($58)，好大件又新鮮即炸，淥3秒，半脆半腍就最正。招牌三拼餃($108)，黃金餃、韮菜餃、黑松露鮮蝦餃，韮菜餃有非常重既韮菜味，我好鐘意，而且每種餃都脹卜卜好足料。鮮打蝦滑($88)，新鮮，好彈牙。