Video
Read full review
2022-12-29
154 views
📍旺角, Liberty Coffee & Wine我一直相信，食物同心情都好有關連 - 如果我食到唔好食嘅嘢，我嘅 bad mood 都真係可以持續好耐......嗰日我去飲到呢個開心果latte之後，都有維持到大半日好心情，所以決定分享俾大家 😊唔知幾時開始，好似咩都可以變latte...綠茶latte、焙茶latte、紫薯latte......話唔埋榴槤都有latte添呀～嗰個星期六我早到咗旺角，然後朋友又未到，就求其搵咗附近一間網上評分好似幾高嘅咖啡店坐吓。呢間餐廳外型好classic，棗紅色嘅木門又好似帶我穿越去咗異度空間咁。我揀咗靠窗邊嘅bar檯坐，正對住馬路，馬路對面又有啲學生喺度打緊波⚽️於是坐喺度發吓呆，睇吓啲車經過又睇吓學生打波，都幾有靜觀嘅意味😄當日喺門口見到好大張海報，見到個開心果味latte好似好正咁，又幾特別，就叫咗杯喇！呢個嘢飲一上檯，分開咗凍牛奶同開心果醬，仲有一塊小餅乾添🍪於是我就好優雅咁將啲開心果醬倒咗落凍牛奶度喇🥛原本有幾秒以為啲開心果醬係啲人工嘢(誠如我之前講過，開心果係好易出事嘅味嚟㗎嘛)，點知飲落係好自然而濃郁嘅開心果味，直頭有一種幸福感油然而
我一直相信，食物同心情都好有關連 - 如果我食到唔好食嘅嘢，我嘅 bad mood 都真係可以持續好耐......
嗰日我去飲到呢個開心果latte之後，都有維持到大半日好心情，所以決定分享俾大家 😊
唔知幾時開始，好似咩都可以變latte...綠茶latte、焙茶latte、紫薯latte......話唔埋榴槤都有latte添呀～
嗰個星期六我早到咗旺角，然後朋友又未到，就求其搵咗附近一間網上評分好似幾高嘅咖啡店坐吓。
呢間餐廳外型好classic，棗紅色嘅木門又好似帶我穿越去咗異度空間咁。
我揀咗靠窗邊嘅bar檯坐，正對住馬路，馬路對面又有啲學生喺度打緊波⚽️
於是坐喺度發吓呆，睇吓啲車經過又睇吓學生打波，都幾有靜觀嘅意味😄
當日喺門口見到好大張海報，見到個開心果味latte好似好正咁，又幾特別，就叫咗杯喇！
呢個嘢飲一上檯，分開咗凍牛奶同開心果醬，仲有一塊小餅乾添🍪
於是我就好優雅咁將啲開心果醬倒咗落凍牛奶度喇🥛
原本有幾秒以為啲開心果醬係啲人工嘢(誠如我之前講過，開心果係好易出事嘅味嚟㗎嘛)，點知飲落係好自然而濃郁嘅開心果味，直頭有一種幸福感油然而生呀❤️
下次唔開心嘅時候，試吓呢個開心果latte啦，可能會開心返㗎 😊
#如果你今日有啲唔開心或者可以睇吓呢個post #開心果拿鐵 #libertycoffee&wine #旺角 #mongkok #øhhejfoodie
開心果拿鐵
6 views
0 likes
0 comments
Post
