Video
Read full review
2022-09-19
999 views
噚日(18-9-2022 Sun)朝同老公買餸前食早餐,諗唔到去邊喥食,就嚟呢間啦,今次我要$34.00嘅金牌早餐A1,要牛乳炒滑蛋同凍奶茶.老公原本想要T1餐公司公仔麵,但要11:00am後至有,重有20分鐘至夠鐘,於是佢改要$39.00嘅光榮早餐,揀豬扒,牛乳炒滑蛋,奶油多同凍奶茶少甜.兩杯嘢飲到嚟,由於落單時,亞叔以為我杯凍奶茶要少冰,所以肥紮馬尾個女人擺低兩杯嘢時,冇講邊杯少甜,我都估到,試吓飲先,真係被我估中,少冰嗰杯味道正常;少甜嘅感覺清新啲.味道:3分然後我嘅牛油方包配牛乳炒滑蛋到嚟,牛油方包好厚,牛乳炒滑蛋真係好滑同juicy;味道:5分牛油方包牛油塗得唔多,不過都好,健康少少.味道:3分之後我嘅仿鮑片火腿絲通粉到嚟,見到大大碗,所有嘢都正常,啖湯同台灣麵嘅差唔多,唔錯.( 上次食評係2022年8月14日刊登嘅呢篇:https://www.openrice.com/zh/hongkong/review/%E4%BB%8D%E6%9C%89%E6%B0%B4%E6%BA%96%E5%98%85%E9%9B%9E%E6%B9%AF-e4498155)味道:4分老公嘅早餐終於
今次我要$34.00嘅金牌早餐A1,要牛乳炒滑蛋同凍奶茶.老公原本想要T1餐公司公仔麵,但要11:00am後至有,重有20分鐘至夠鐘,於是佢改要$39.00嘅光榮早餐,揀豬扒,牛乳炒滑蛋,奶油多同凍奶茶少甜.兩杯嘢飲到嚟,
左: 凍奶茶少甜,右: 凍奶茶少冰
38 views
0 likes
0 comments
味道:3分
然後我嘅牛油方包配牛乳炒滑蛋到嚟,牛油方包好厚,
牛油方包配牛乳炒滑蛋
30 views
0 likes
0 comments
味道:5分
牛油方包牛油塗得唔多,不過都好,健康少少.
味道:3分
之後我嘅仿鮑片火腿絲通粉到嚟,見到大大碗,
仿鮑片火腿絲通粉
20 views
0 likes
0 comments
味道:4分
老公嘅早餐終於到嚟,有豬扒,焗豆,腸仔,薯餅,牛乳炒滑蛋,奶油多.睇見佢嘅豬扒大大件.
我冇食到,所以唔知覺得點,但到最後睇到,原來佢嘅豬扒都幾厚,
佢話唔柴皮嘅.上次食評係2022年5月18日刊登嘅呢篇:https://www.openrice.com/zh/hongkong/review/yeah-%E5%94%94%E9%A3%9F%E7%89%9B%E5%8F%AF%E9%A3%9F%E9%9B%9E-e4387680
服務:
除咗放低奶茶唔講邊杯打邊杯外,其他都冇乜問題,落單嘅亞叔都會問清楚我哋揀咩食(除咗俾咗少冰我);之後我問佢攪一杯水,佢擺低時都有提我好熱.
4.5分
環境:
雖然坐位係圓凳同我哋坐到最入,但冷氣好充足,同一時段,已好過富都嘅(食評係2022年8月28日刊登嘅呢篇:https://www.openrice.com/zh/hongkong/review/%E5%8F%88%E8%A6%81%E5%B0%8F%E5%BF%83check%E5%96%AE-e4518248),充足到我哋兩杯嘢飲,飲到最後,啲冰都冇乜點溶.
其他:
睇見佢哋出外賣,載湯麵嘅膠兜分上下兩層,下層放湯,上層放麵,咁啲麵就唔會被浸到腍晒,而且少用一個膠蓋,總算為環保出咗一分力.
Post
