Video
Read full review
2022-02-23
1149 views
舊年聖誕期間,要搜羅賀年禮盒喇,我又諗起望月,於是上網睇睇,見到佢有曲奇加蝴蝶酥禮盒,於是訂購,我買咗全部原價$228.00,早鳥優惠$188.00嘅茶韻曲奇及蝴蝶酥禮盒三盒,一盒經典曲奇及蝴蝶酥禮盒.預約27-1-2022(Thur) 喺旺角攞.到呢日晏晝,我就去到,出示咗電郵攪掂,店員拎出嚟都逐盒打開俾我睇,見到個盒同月餅嘅一樣,唔知佢哋接唔接受回收?而佢哋見到有一件曲奇斷咗就拎過另一盒俾我.四盒嘢都好重吓.介紹返呢兩盒嘅曲奇,茶韻曲奇及蝴蝶酥禮盒有伯爵茶曲奇,玄米茶曲奇24件,原味蝴蝶酥有6件.而經典曲奇及蝴蝶酥禮盒有雙重朱古力曲奇,杏仁曲奇各24件,原味蝴蝶酥有6件.到8-2-2022(Tue)晚我至打開其中一盒,食蝴蝶酥.佢嘅包裝好實,好難掰,真係夠防潮.拎出嚟睇好細件,食吓先.佢係脆嘅但唔夠鬆,味道就有燶味,牛油味弱,呢個麻麻.味道:1分到10-2-2022(Thur)晚,口痕開包曲奇食,食邊隻先呢?老公揀綠色嗰隻,我都唔記得咩味,只當佢係綠茶,食落,面上嘅粒粒好脆口,曲奇餅身口感正常鬆脆,味道唔同,唔似普通綠茶,我睇睇包裝,啊,係玄米茶,唔怪得.而佢好似冇乜牛油味,但食到
於是訂購,我買咗全部原價$228.00,早鳥優惠$188.00嘅茶韻曲奇及蝴蝶酥禮盒三盒,一盒經典曲奇及蝴蝶酥禮盒.預約27-1-2022(Thur) 喺旺角攞.到呢日晏晝,我就去到,出示咗電郵攪掂,店員拎出嚟都逐盒打開俾我睇,見到個盒同月餅嘅一樣,唔知佢哋接唔接受回收?而佢哋見到有一件曲奇斷咗就拎過另一盒俾我.四盒嘢都好重吓.
介紹返呢兩盒嘅曲奇,茶韻曲奇及蝴蝶酥禮盒有伯爵茶曲奇,玄米茶曲奇24件,原味蝴蝶酥有6件.
而經典曲奇及蝴蝶酥禮盒有雙重朱古力曲奇,杏仁曲奇各24件,原味蝴蝶酥有6件.
到8-2-2022(Tue)晚我至打開其中一盒,食蝴蝶酥.
佢嘅包裝好實,好難掰,真係夠防潮.拎出嚟睇好細件,食吓先.佢係脆嘅但唔夠鬆,味道就有燶味,牛油味弱,呢個麻麻.
味道:1分
到10-2-2022(Thur)晚,口痕開包曲奇食,食邊隻先呢?老公揀綠色嗰隻,我都唔記得咩味,只當佢係綠茶,食落,面上嘅粒粒好脆口,曲奇餅身口感正常鬆脆,味道唔同,唔似普通綠茶,我睇睇包裝,啊,係玄米茶,唔怪得.而佢好似冇乜牛油味,但食到少少鹹味.不過我哋一食就食到停唔到口.
味道:5分
而伯爵茶味曲加呢?我哋等到前晚21-2-2022(Mon)終於食佢喇,佢嘅口感鬆化啲,味道就比他牌子出嘅濃兼帶啲啲甘,但又食到奶味.
味道:4.5分
而呢兩款曲奇都唔覺得肥膩.
抵食係2.8分
上次食評係2021年10月10日刊登嘅呢篇: https://www.openrice.com/zh/hongkong/review/yeah-%E8%A8%98%E5%BE%97%E4%BD%A0%E5%96%87-e4191811
Post
