Pizza Maru (Closed)

同朋友行完街廢事周圍搵嘢食，所以就頹頹地去左希慎food court食。可能今日黎得夜，見炸雞冇咩人排隊，就同朋友嗌左一份share。炸雞有四種口味，簡左甜辣醬口味，都唔係等好耐，十五分鐘到就有, 碟雞＄89。其實份炸雞ok大份，大約有七至八件，好香，我同朋友都急不及待攞左件黎食。一咬落去啲皮真係又香又脆，配埋甜辣醬酸酸甜甜好好食！同埋啲雞都好嫩而且好多汁，配埋佢嗰到既啤酒真 係一流但廿幾蚊略嫌有啲貴。佢每盆雞都會包一隻雞腿既上下脾所以用料都幾足架！以$89呢個價黎講都算幾抵食，一定會再翻黎試埋其他口味！