Chilli Lime (形點 I)

Open Now

Now Closed

好耐冇去Yoho Mall 啦，近嚟天氣開始熱成日想食泰菜，見到呢間餐廳裝潢好有民族特色，空間感十足，就入去試吓。餐牌選擇豐富，分別有泰國、馬來西亞同印度菜式，我哋點左：冬蔭功大蝦海鮮湯（$108）食泰國菜必點，呢度嘅酸辣湯香濃鮮，海鮮用料豐盛，有大蝦、青口、魷魚、帶子等，飲完唔覺口渴👍🏻泰式牛肉沙律（ $98）半熟牛肉高質，炭燒味香濃，厚切有口感，配埋酸酸辣辣嘅沙律一齊食，食牛都可以好清新。牛油雞咖喱（ $108 ）+ 印度酥油薄餅（ $28）咖喱惹味香濃，辣度溫柔，雞肉嫰滑。酥油薄餅外層酥脆內層有嚼勁而且唔會過油👍🏻芒果糯米飯（ $88）泰式甜品必點嘅芒果糯米飯，呢度嘅芒果糯米飯賣相精緻，熱辣辣嘅3色糯米飯非常軟糯配上香濃嘅椰汁同清香嘅芒果，為呢一餐畫上完美嘅句號。整體嘅用餐體驗非常好，食物上菜速度快，食物質素高，店員態度良好，坐得非常舒適仲有戶外區可以選擇，期望好快可以一大班人再嚟用餐。