TERA (形點 I)

Open Now

Now Closed

朋友話想食pancake，於是我哋就睇吓附近有冇啲好食pancake嘅餐廳。就發現原來YOHO有一間Pancake House，我同朋友去咗嗰度試吓。荔枝玫瑰花茶花茶有非常濃郁嘅荔枝味，亦有少少嘅玫瑰味襯托，味道甜甜地，幾好飲。天氣凍咗飲杯熱花茶真係冇得頂！牛油果咖啡配椰乳咖啡味唔會好濃好澀，味道啱啱好似latte。入面有好多牛油果蓉，牛油果加咖啡呢個組合都幾特別。沙律沙律好新鮮，亦都配有黑醋醬👍🏻煙肉薯仔湯餐湯都幾足料，味道幾清，唔會好鹹。安格斯手打牛肉漢堡配薯條份量好大，牛肉漢堡都幾厚肉，亦都幾Juicy😋配上熱溶咗嘅芝士，真係冇得頂！薯條脆卜卜幾好食。香煎紐西蘭肉眼配青胡椒燒肉汁今次選擇咗七成熟，紐西蘭肉眼好大塊，唔會好靭，食落都幾軟腍。牛味都好濃郁👍🏻青胡椒燒肉汁同肉眼扒好夾。最後就係甜品，今次叫咗法式焦糖燉蛋pancake，賣相好靚。表面嘅焦糖脆皮都好好食，pancake都好濕潤，軟綿綿。同焦糖脆皮嘅口感有強烈嘅對比。