SMILEY CAFE with eGG (Closed)

笑一笑,世界更美妙。開心唔開心都要食飯喔, 今日走黎朗豪坊shopping , 見到呢間Smiley Cafe with EGG 真係好開心, 顏色繽紛同埋全部都係笑哈哈,咩煩惱都唔記得啦....朗豪坊上面有呢d 中價位餐廳算唔錯丫,又有午餐食。我哋叫咗兩個午餐再加多一個豬仔骨share食。餐湯嘅多士係直接放喺湯上面， 幾得意。煙三文魚蟹子意粉, 三文魚肉多, 有蟹子 卜卜脆嘅感覺很有口感, 個汁 係好creamy豬仔骨肉就好鬆軟無痴骨 , 表面嘅燒醬汁包曬成舊ribs, 都算好食 但可惜未有跟餐, 要散叫。燒雞, 肉嫩, 燒得香，可惜細份 唔夠飽。芒果沙冰, 似芒果布甸,芒果味超濃又多芒果肉。雲朵紫薯牛奶 , 可愛到不得了, 一黎到急不及待搣個棉花糖黎食, 再飲紫薯牛奶就覺得佢唔甜,有點淡。最後... 我將食淨半舊嘅棉花糖塞曬入杯牛奶度, 甜到就覺得剛剛好喇檸檬梳打, 簡單 清新, 一飲就透心涼囉。下晏黎食午餐set 就係幾Ok, 起碼可以舒舒服服嘆下, 唔使喺街多人迫。