安客蔥雞

Open Now

Now Closed

一敲起「You're my destiny…」諗起嘅唔係都敏俊，係炸雞呀！嚟到西營盤嘅安客葱雞，餐廳主打韓式料理，當中以酥脆嘅韓式炸雞為餐廳名物，加上大件夾抵食，充滿人氣！牛肉泡菜薯條由於芝士感覺太邪惡，On Diet嘅我就揀咗呢個用牛肉泡菜做醬汁嘅薯條，絕對係自我感覺良好！因為泡菜係全世界最健康嘅食物之一，而且薯條無年糕咁飽肚，加上嫩滑牛肉，味道微辣，非常醒胃。無論做前菜定佐酒小食，都係一個唔錯選擇。The Padang Boneless如果唔鍾意倫骨，呢個The Padang Boneless就啱晒你。炸雞配有4款醬料可供選擇，有辣有唔辣，今次就揀咗甜香嘅醬油大蒜。炸雞預先起全骨，食嘅時候就夠晒方便，至於呢個set仲有炸年糕同炸餃子，兩個人食細size啱啱好。泡菜豆腐湯呢個泡菜豆腐湯雖然無配白飯，但係湯入面有索晒泡菜豆腐湯精華嘅韓式粉絲，粉絲煙煙韌韌又入味！一如以往，韓式湯用石鍋呈上，可以保持湯嘅熱度，飲到底都依然熱辣辣。至於泡菜豆腐湯唔會太辣，好惹味，我真係要叫個白飯先得！