飲茶 (Closed)

飲茶梗係中國文化之一啦。好多外國朋友黎香港都鐘意食番幾籠點心，歎杯靚茶。愈來愈多餐廳都新潮化啦，已經唔洗出去同人爭點心車。坐定定就有食物送到你面前，而且設計仲多左一份時尚感。好多點心賣相精緻，殺死菲林好吸睛！炸蝦餃子即係炸蝦角，超級彈牙而且即叫即炸，入口都會盪傷脷般外皮脆，而且蝦肉多汁，正春卷唔油膩好重要入面餡料多，各式各樣增添口感四川口水雞呢度嘅雞肉係用雞脾肉切片所以一啲骨都冇，食起嚟非常方便。不過最好味嘅係旁邊嘅乾辣椒片，我覺得仲麻辣味嘅麻就有，辣味可以再多啲。紅油抄手雲吞大大粒， 肉餡將雲吞塞得滿滿的！豬仔叉燒包唔知係唔係因為要事先搓定，擺左好耐，所以食起嚟比較乾，餡就無問題。流沙奶黃包真係做到餡噴出嚟嘅效果，所以就知道佢嘅奶黃係流心嘅，非常滿意。星洲炒河粉吵得非常惹味，而且材料豐富，有蝦臘腸同雞蛋芽菜。比起傳統茶樓，呢類型新穎嘅點心店，真係俘虜少女心，定必再光臨。