新橋世民私房菜 (Closed)

經朋友介紹發現有一間樓上舖既私房菜，專程預約左晚上來開餐，環境清靜，最適合同老友一聚。最特別是餐廳無菜單，要預先同餐廳溝通食物安排再作加減，得出黎既結果菜式絕不馬虎頭盤係石蚌，醬汁用一款好特別既油醋製成，醬汁有種甜甜酸酸既感覺配上海鮮石蚌，非常開胃而且石蚌食落好爽口仲有d蕃茄粒作伴碟~又好味！一流既前菜。之後係一款烏雞豬展燉湯，完全無過多既油仲係100%無味精，材料十足，清甜且不油膩，飲完唔會覺得口渴~單係呢款湯已經無得彈跟住係特濃蝦湯配上帶子餃，同之前既燉湯不一樣既感覺，帶子餃內有乾坤，原來仲有磨菇粒同松露，味道濃烈。個蝦湯底既鮮味簡直在口腔内持久不散。金榜汁配稻庭麵：麵非常幼滑，質感一流帶點咬口！湯底係喇沙帶點香辣椰香，醬汁一流，如果加些配料更好白胡椒配澳洲皇帝蝦~好爽身，大蝦鮮味與白胡椒既香味完全配合，時間岩岩好，真正色香味俱全，啖啖肉。而且蝦頭既膏甘香細緻超讚~廚師還特地詢問客人意見，可以見得出廚師尊重每位客人，力求進步。