滿地可餅店

Open Now

Now Closed

今日經過黃埔站對出嘅呢間麵包舖，聞到超級香，咁啱見到有麻糬波波新鮮出爐，就即刻衝入去，但係其實成間舖頭入邊已經勁多人等緊，佢呢度有三隻味：黑芝麻、原味同埋開心果，我鍾意呢度嘅開心果唔會太甜，黑芝麻當然都好夠香啦，不過最重要都係個口感，始終新鮮出爐，成個脹卜卜咁樣超級好食。另外見到有一個香辣松松包，覺得都幾特別就買埋返屋企食，返到屋企一打開個袋已經聞到香香甜甜嘅味道，好落麵包鬆軟，肉鬆亦都好好味，呢個配搭嘅特別。另外因為呢個週末都約咗長輩食飯，唔使兩手空空，見到佢哋都有埋罐裝蝴蝶酥，包裝都相當得體，就買咗兩盒盒，一盒拎返屋企食，另外嗰盒拎去送禮！蝴蝶酥好酥脆，下次一定會買來送禮，以呢個價錢，絕對高質！走之前都見到有好多勁得意嘅蛋糕，下次一定會買嚟送俾小朋友。