泡泡屋 (Closed)

與友人去了尖咀食日式放題~~之前收過單張，又見openrice食評ok~~就膽粗粗試呢間新野去到結果係無選擇錯唔洗等位，應該係因為新開吧！ 座位寬敞，空間感大，d位唔會好密密麻麻，由於店內空間感較大，所以唔會好嘈雜，可以食得舒舒服服由於我地得兩個人，我又比較細食，所以刺身每樣叫左兩件，魚生都新鮮，特別係個三文魚刺身，夠肥美，海膽都幾鮮，侍應仲好細心問我地需唔需要紫菜呢個沙律都好好味，正！！燒物夠味，我平時唔食多春魚，今次都食左幾條 有d野食唔記得影相，掛住食另外，侍應的服務令我加分，會自動自覺黎添茶，亦都有禮貌總體上都幾好，下次會同成班朋友黎食