食包 (Closed)

今日去太子經過一間漢堡包店，因為喺太子好少見到漢堡包店，而又見到姜B個ig poster所以就引唔住入去打卡。而一見到個menu就覺得好唔錯所以就決定試下。個menu寫個WB手打豬妞漢堡係選用黑毛豬做材料，市面上係好少見到有漢堡包店會用黑毛豬做材料所以就點咗一份試下。另外因為鐘意食黑松露，所以再點份WB 黑松露煙肉漢堡食，之後就點咗一客薯條一客洋蔥圈做配菜。當店員上咗份WB手打豬妞漢堡，我第一個反應就係嘩點解好似咁大份既。之後仔細研究下入面有啲咩配料，原來真係幾足料下：原本塊黑毛豬扒都已經唔細份，仲要加上生菜蕃茄煙肉同流心蛋。加上本身塊黑毛豬煎到鎖住啲肉汁下，配上流心蛋之後真係啖啖都好juicy。份WB 黑松露煙肉漢堡都冇令人失望，塊手打牛漢堡打得唔會太實但又唔會太鬆，加上黑松露同埋流心蛋既點綴下食落去口感好rich。而小食方面，薯條同洋蔥圈都炸得好香口。特別係薯條，薯條新鮮即炸，而啲薯條本身都好少少chunky，加上少少七味粉之後真係會食到上癮。雖然呢間店係小店黎，但係質素非常令人滿意，如果我再行開太子我一定會黎再試其他唔同既漢堡包😋