喜喜中國廚房 (Closed)

噚日去左"喜喜中國廚房"。去到第一個感覺係好grant..好豪..好正！之後我地去左sofa位到座..個位好闊又有三個大咕o臣..好舒服~~好難係屯門搵到間咁正的~~而我地噚日叫左個2人set。果到有兩個2人set揀，一個係差唔多300個, 另一個就係388位！而我地揀左個388位o既set dinner，因為裡面有人人都話好味o既鮑汁撈飯~~~個餐包2個小食(海哲，同豆腐)，之後再黎一個魚翅，黃金蝦伴烏東，飽魚海深伴小棠菜，同埋鮑汁撈飯！食晒後有桂花糕，蛋撻仔同糖水送！仲有一杯鮮榨橙汁呢！全部都好好味，好入味！只係個飽魚海深就麻麻地！d飽魚好"簿"而d海深硬左d，如果"淋"番少少會好好多呢！而最後d桂花糕好甜好好味，平時唔係點食桂花糕o既我都話好味呢！可以睇下d相，賣相都幾靚~~