Fat Angelo's (Closed)

今日同同事去胡忠做嘢，所以我地就去左呢度食lunch 喇，食物如下：(1)燴羊膝- 同事ordered 嘅，佢話冇肉味，個汁又唔夠野味，不過d 肉都算腍。佢比左少少我試，真係冇乜肉味；(2)紅酒汁燴牛肋肉- 味道不錯，都算有牛肉味，肉腍，一定好過個羊，而d 配菜都好好味，尤其係西芹，正；(3)意大利菜湯- 一般，冇乜特別，我個人鍾意羅宋湯多d；(4)Latte - 同事叫嘅，佢話一般；(5)Coke Light - 咪係coke light 囉..嘻；(6)餐前麵包- 味道不錯，又大個，正常女仔肯定唔會食得哂一個嘅，不過我係唔正常嗰個囉；論環境裝修真係不錯，黎過呢度2 次都lunch hour 時間，搵次夜晚黎試下dinner 先得，貪佢呢度小人d，夠靜，可以慢慢同朋友吹下水。By the way, 服務就麻麻，好似好趕時間咁架d waiters & waitress。P.S. 同事話之前嗰間係Amaron's Little x，佢話嗰間好味d，我叫佢去又一城試下，到時再話比我知。