澄

Open Now

Now Closed

前兩日同個朋友想坐低飲杯野傾下計，酒吧又太曹，加上個fd又有啲餓，諗黎諗去都唔知去邊度好，個老友就話去過一間食日本野既私房菜都唔錯，於是就去試下，去到樓下我都唔知道到左，因為無招牌，未黎過真係有啲難揾。首先整番枝清酒飲下先，跟住一望menu，啲串燒都幾多款式喎，梗係要叫番啲黎送酒啦。先來一串燒牛舌，一擺到上枱果啲香味已經令我流哂口水，食落去外面有少少脆，入面保留到應有既肉汁，襯埋清酒簡直一絕！燒雞肝，好耐無食過啦！佢地用左醬汁同蜜糖黎燒，有少少似中式燒臘果種味道。哈哈！令人懷念的味道，正！燒鴨舌，外面脆卜卜，入面又唔會太過乾身，時間岩岩好。燒雞泡魚干，非常香口，配上特制沙律醬，好味！燒雞亦，因為我鐘意食既關系，都有啲要求，外皮金黃色，入面啲雞肉仲好嫩，正！美中不足係唔夠咸，如果落多少少鹽就完美！幾杯落肚後，我都有啲餓，跟住就問老闆娘有咩胞肚推介，佢極力推介咖哩海鮮炒飯。好！一於試下先，都真係唔錯喎！非常香既咖哩味加上啲飯好乾身，海鮮又唔會太老，果然無介紹錯！估唔到小小一間私房菜都咁有水準，值得再黎。