Video
Read full review
2022-10-12
2743 views
HAKU數月前以全新面貌登場！進駐IFC空中花園！開放式廚房嘅設計，加上無敵維港景，可以邊欣賞廚師烹調邊嘆海景，即使嘆緊fine dine都毫無壓力毫不拘謹~ 全新嘅無國界料理菜單 由曾擔任米芝蓮三星餐廳Maaemo研究及菜式開發主廚嘅Rob Jacob Drennan設計，揉合各國烹調方法，創岀嶄新嘅料理。大力推薦無酒精zero pairing！各種材料看似毫不匹配，但飲落超有驚喜，balanced得黎同啲菜式好夾！其中一杯：普洱/紅菜頭/洛神花 帶普洱茶煙熏味之餘，仲完全感受唔同紅菜頭嘅草青同洛神花嘅酸澀。Dinner tasting menu $1980pp🍹Zero pairing +$380🥂Wine pairing +$6801️⃣Hokkaido Uni鬆軟嘅備長炭多士上放左厚厚一層北海道海膽！海膽濃厚鮮甜，入口即化。係柚子松露醬汁嘅襯托下，海膽鮮味瞬間昇華2️⃣Smoked Cod Roe脆身嘅日本雲吞皮 包住軟滑嘅鱈魚子mousse，富煙燻同鹹香。3️⃣Fried Chicken 美式炸雞採用山口縣雞髀肉，炸皮薄脆唔油膩，雞肉紮實多汁，唔會好多肥膏位。旁邊仲配左homemade
全新嘅無國界料理菜單 由曾擔任米芝蓮三星餐廳Maaemo研究及菜式開發主廚嘅Rob Jacob Drennan設計，揉合各國烹調方法，創岀嶄新嘅料理。大力推薦無酒精zero pairing！各種材料看似毫不匹配，但飲落超有驚喜，balanced得黎同啲菜式好夾！其中一杯：普洱/紅菜頭/洛神花 帶普洱茶煙熏味之餘，仲完全感受唔同紅菜頭嘅草青同洛神花嘅酸澀。
Dinner tasting menu $1980pp
🍹Zero pairing +$380
🥂Wine pairing +$680
1️⃣Hokkaido Uni
Hokkaido Uni
42 views
0 likes
0 comments
鬆軟嘅備長炭多士上放左厚厚一層北海道海膽！海膽濃厚鮮甜，入口即化。係柚子松露醬汁嘅襯托下，海膽鮮味瞬間昇華
2️⃣Smoked Cod Roe
脆身嘅日本雲吞皮 包住軟滑嘅鱈魚子mousse，富煙燻同鹹香。
3️⃣Fried Chicken
美式炸雞採用山口縣雞髀肉，炸皮薄脆唔油膩，雞肉紮實多汁，唔會好多肥膏位。旁邊仲配左homemade pickle，無平時嘅咁酸同軟身啲，為炸雞增添左一絲清爽。
4️⃣O-Toro
大拖羅以昆布味醂醃漬一晚，加上英式芥末同紫蘿蘭芥末作點綴，感受到其豐盈嘅油脂之餘，略帶甜辣唔會太膩。
5️⃣Arrow Head Squid
瑩光魷魚好滑好軟腍，洋蔥爽口甘甜帶微辣，醬汁帶紫蘇香，貌似簡單但不失層次。
6️⃣Truffle
珍珠形狀嘅黃金薯仔粒 口感爽得黎又唔會太硬。配上法國魚子醬、即刨黑松露、羊肚菌汁、蔥油等，鹹香鮮味十足，味道豐富得黎又好balanced！幾得我心
7️⃣Blue lobster
驚喜陸續有黎！又一道禾稈冚珍珠！西芹根部切絲炸成脆脆，超爽彈嘅藍龍蝦則藏於底下。當廚師淋上以龍蝦頭、清酒、三文魚子醬煮成嘅醬汁，幼細嘅脆脆掛滿濃郁嘅醬汁。食得最後忍唔住飲晒啲汁
8️⃣20 hours Kagoshima pork / Short Rib (二選一)
鹿兒島豬腩肉以74度慢煮20小時，一咬落去不得了！肥膏位入口即化，肉質軟腍，多汁肉味濃，外層更帶焦香。旁邊爽口嘅洋蔥則可以一解其油膩感~
美國加州牛小排同樣經慢煮，肉質滑嫩帶彈性，油香十足。甜甜酸酸嘅醬汁完美平衡牛嘅油脂~
9️⃣Parker House
主菜會伴以黑蒜麵包~ 麵包超軟熟，蒜香突岀，搽埋松露牛油，其香氣絕對令人難以抗拒~
🔟Pineapple
採用本地菠蘿製成嘅雪葩，菠蘿味超濃！
1️⃣1️⃣Jerusalem Artichoke
竟然會以菊芋呢款超級食物入饌！加埋北海道3.8牛乳製成嘅雪糕口感軟滑，帶點菊花嘅清甜。更有比利時85%黑朱古力同hazelnut crumble作點綴，得以一添口感平衡甜度。
1️⃣2️⃣Petit Four
日本柚子啫喱｜核桃金磚蛋糕｜紅寶石朱古力
Post
