Zoe (Closed)

上次已經諗住買嚟同家姐佢吔試吓啦，但係一去到就賣光啦。今日見家姐唔使返工，咁就麻煩佢去買嚟試吓啦。家姐就買咗Zoe，1459同埋Opera。賣相就同一般嘅蛋榚仔冇咩分別，1497有Ｄ似拿破崙。我吔先試下個1459，一刀切落去就已經可以聽到Ｄ酥皮重係好脆(畢竟都雪咗好幾個鐘呀！)。酥皮一Ｄ都冇淋到重好脆，而中間嘅custard好滑又唔太甜，正！！跟住試個Zoe，上係好滑Hazelnuts cream，中間係一片蛋榚而最底應該係用酥皮加Hazelnuts整成餅底。一入ロ就已經食到好清淡嘅Hazelnut味，第一啖覺得好似唔夠甜但係當食咗成個後就發覺味道啱啱好。妤味！但係個Opera就麻麻啦，本人都好鐘意食純失古力，但係都覺得都係苦咗少少啦！但係個Zoe同埋個1459真係好鬼死好食，雖然係貴咗少少都值得。