【編輯推介】繼續慳家覓食：下環熟食中心

繼祐漢熟食中心之後，小編再帶大家到澳門另一個當旺熟食中心，絕對搵到平靚正好嘢食！位於李加祿街下環街街市大樓2樓的熟食中心同樣雲集多款美食，粉麵、燒烤、糖水、粥品等等，水準好價錢又抵食，而且冷氣充足，座位有室內又有室外，地方乾淨，想慳家地醫肚就最好不過。

招記經常排起長龍，麵食抵吃又足料。

豬手大腸撈米 $25

單料$19，雙料加$6，份量如圖真是大大碟，幾乎爆滿。豬手燘得夠入味，大腸亦夠腍又嫩滑，秘制辣醬亦完美提昇了味道的層次。

雲吞豬頸肉撈麵 $25

礙於麵餅本身SIZE，撈麵會比米粉細份一點。不過麵條很爽口彈牙，豬頸肉肥瘦適中，配上獨門汁料十分惹味。雲吞亦足足有四粒，餡料是豬肉，味道亦算不錯。隨麵亦奉送時菜，不用額外加錢，十分貼心。

好記麵食亦是受歡迎食店之一。

魷魚牛腩撈麵 $27

魷魚夠爽口不怕韌，秘制柱侯牛腩則燘得相當入味，牛腩仍保持適當咬感，牛筋亦相當腍。店家的自家製辣油十分香口惹味，但注意辣味不輕。魷魚麵原價$19，拼牛腩、雞翼、雲吞或冬菇加$8，豬皮、薯仔、魚蛋或菜等就加$6。

梁基食店主打瀨粉，配料就有燒味提供。

叉燒瀨粉 $22

店家的燒味是從下環街一檔頗受歡迎的燒臘店中取貨，質量有保證，而且份量亦不少，另有燒鴨選擇。如果點普通粉麵20元一碗，轉瀨粉加$2，湯底方面亦可+3元轉豬骨濃湯。

豬軟骨撈麵 $20

豬軟骨是店家的自家招牌菜，骨肉比例適中，煮得很夠味，值得一試。滷蛋$4一隻，水準不過不失。

熟食中心鮮見的燒烤檔，因此也頗受客人青睞。

一口蒜茸包 $25/6個

迷你豬仔包十分可愛，塗滿牛油和蒜茸後烤至外皮脆口，而且蒜香撲鼻。雖說是一口，但其實都要分兩三口才吃完，十分推介。

燒茄子 $20

笑姐除了各式肉串亦有不少蔬菜類供應，烤茄子確是最佳選擇，面頭鋪滿蒜泥和孜然粉，十分香口惹味。辣粉可以請店員只放其中一邊，一次過品嚐辣味和原味。

C&J美食主打辣沙湯麵及各式小食。

手抓餅 $8

一份手抓餅只售$8，抵食，不過咖哩汁另配要加$2。餅煎得算帶有脆口，但要襯熱食，否則放久了會容易變硬，味道也不錯。

泉記咖啡以奶茶打響名堂，另亦有提供三文治及多士。

熱奶茶 $10

茶和奶分開上，茶底經老闆悉心調製，濃而不澀。建議可以先浸一浸茶葉才將它倒入杯中，茶味會更香濃，而且等它發脹後才倒出茶葉也較易被隔開。

文：Karen
編輯：macau@openrice.com

隨時接收最新資訊
讚好OpenRice專頁！